រូបថតជាច្រើនសន្លឹក និងវីដេអូ របស់កូនស្រី ភិន សុដាលីស មើលហើយ គិតថាស្អាតដូចម្តាយអត់?

ភ្នំពេញ៖ កាលពីល្ងាចមិញនេះ វេលាម៉ោង៤និង៤២នាទី អ្នកនាង ភិន សុដាលីស បានសម្រាលកូនស្រីរួចរាល់ហើយ ដោយឆ្លងកាត់តាមការវះកាត់ មិនបានសម្រាលតាមធម្មជាតិនោះទេ ព្រោះតែកូនស្រីនាងថ្លោសខ្លាំងពេក។

ក្នុងនោះដែរ គេសង្កេតឃើញ តារាប្រុសស្រីមួយចំនួន បានឆ្លៀតពេលទៅផ្តល់កម្លាំងចិត្ត ទៅកាន់អ្នកនាង ភិន សុដាលីស ដល់មន្ទីរពេទ្យតែម្តង ។  មិនតែប៉ុណ្ណោះ ពួកគេក៏មិនភ្លេច Selfie ជាមួយអ្នកម្តាយវ័យក្មេង និងកូនស្រីរបស់នាងផងដែរ។ 

រូបថតជាច្រើនសន្លឹក និងវីដេអូរបស់កូនតារាស្រីរូបនេះ ត្រូវបានក្លាយជាទីចាប់អារម្មណ៍របស់អ្នកលេងបណ្តាញសង្គម ដែលមានអ្នកចុច Like និងចែករំលែកតៗគ្នាយ៉ាងច្រើន។ ជាពិសេស អ្នកខ្លះ ក៏បានបញ្ចេញមតិរៀងៗខ្លួនថា កូនស្រីរបស់ដាលីស ពិតជាគួរឲ្យស្រលាញ់ ដូចជានាងណាស់ រីឯអ្នកខ្លះទៀត បានគិតថា មុខមាត់កូនស្រី មើលយូរៗទៅ កាន់តែដូចលោក ប៉ែន ចំរ៉ុង៕

ចង់ដឹងថា មុខមាត់កូនស្រីរបស់ តារាសម្តែងស្រី ភិន សុដាលីស គួរឲ្យស្រលាញ់យ៉ាងណា តោះមើលរូបថត និងវីដេអូខាងក្រោមទាំងអស់គ្នា៖ 

កំណត់ហេតុខ្មែរឡូត៖

ដោយឡែក រំលឹកព័ត៌មានចាស់លើកមុនផងដែរថា ភិន សុដាលីស បានត្រៀមដាក់ឈ្មោះ ឲ្យកូនរួចជាស្រេច គឺមានឈ្មោះថា «katherina» ។ អ្វីដែលគួរឲ្យសង្វេគនោះ គឺអំឡុងនាងមានផ្ទៃពោះ គួរណាស់តែមានស្វាមីនៅក្បែរ ជួយថ្នាក់ថ្នម ដើម្បីផ្ដល់ភាពកក់ក្ដៅ និងកម្លាំងចិត្ត ប៉ុន្តែសម្រាប់តារាសម្ដែង ភិន សុដាលីស បែរជាគ្មានស្វាមីនៅក្បែរ ដែលធ្វើឲ្យនាងសំងំពពោះតែម្នាក់ឯង ហើយពេលកូនកើតមក ក៏មិនបានទទួលការថ្នាក់ថ្នម ពីឪពុកនោះដែរ។

នៅលើបណ្តាញសង្គមហ្វេសប៊ុក របស់តារាស្រីនាង ភិន សុដាលីស បានសរសេរបង្ហោះ ភ្ជាប់ជាមួយរូបភាពរបស់នាងពពោះកូនក្នុងផ្ទៃបញ្ជាក់ដោយខ្លីថា «Oh ohh Baby 26 weeks Baby katherina » ដែលមានន័យជាភាសាខ្មែរថា «កូនមានផ្ទៃមានអាយុ ២៦ សប្តាហ៍ហើយ កូននឹងត្រូវដាក់ឈ្មោះថា katherina !»។

ក្រោយពីមានការបង្ហោះបែបនេះ ពីសំណាក់តារាស្រី ភិន សុដាលីស គេសង្កេតឃើញថា មាន ទស្សនិកជនជាច្រើន បានសម្ដែងការណិតអាសូរដល់នាង ខណៈកូនមិនទាន់បានឃើញពន្លឺថ្ងៃផង ក៏ស្រាប់តែត្រូវកំពា្រឪពុកតាំងពីចាប់កំណើតយ៉ាងដូច្នេះ។ ក្នុងនោះ ក៏មានអ្នកខ្លះបានលើកឡើងថា ត្រូវតាំងចិត្តឲ្យរឹងមាំឡើងស៊ូៗដល់ថ្ងៃមួយ ដែលយើងធ្វើបាន យើងនឹងហួសចិត្តស្មានមិនដល់ថា យើងអាចធ្វើវាបានដោយជោគជ័យ ស៊ូៗអ្នកម្ដាយគ្រប់រូប ដើម្បីកូនយើង អត់ប្រុសមិនប្រាកដថា យើងស្លាប់ ឬធ្វើមិនកើតនោះទេ។

សូមបញ្ជាក់ថា ជាការកត់សម្គាល់ ចាប់តាំងពីផ្ទុះរឿងរ៉ាវដ៏រសើប អំពីដំណឹងលែងលះគ្នា រវាងតារាសម្តែងស្រីនាង ភិន សុដាលីស ជាមួយស្វាមីគ្មានខាន់ស្លា ហើយត្រូវបានទស្សនិកជន ដាក់ងារថា «ជាប្តីហេងស៊យ» លោក ប៉ែន ចំរ៉ុង រហូតឡើងដោះស្រាយគ្នា នៅតុលាការមកនោះ មកទល់ពេលនេះ ពុំទាន់មានប្រភពណាមួយ ដឹងច្បាស់ពីមូលហេតុ ពិតនៃដំណើររឿង ដែលនាំឲ្យមានការបែកបាក់ របស់ប្តី-ប្រពន្ធពួកគេ ទាំងពីរនាក់នេះឡើយទេ។

• ភិន សុដាលីស
• គ្រួសារ