នេះហើយទឹកចិត្តឪពុក លោក អ៊ិន សុភិន នាំកូនស្រី ទៅសម្រាលកូនទាំងយប់!

ភ្នំពេញ៖ កាលពីយប់មិញនេះ តារាសម្តែងស្រី ភិន សុដាលីស បានចូលមន្ទីរពេទ្យសម្រាលកូនស្រីហើយ។ ក្នុងនោះដែរ គេក៏បានឃើញវត្តមាន ឪពុករបស់តារាស្រីរូបនេះ លោក អ៊ិន សុភិន នាំនាងទៅកាន់មន្ទីរពេទ្យដោយផ្ទាល់ផងដែរ។

នៅក្នុងគណនីហ្វេសប៊ុករបស់ ថៅកែផលិតកម្ម មហាហង្ស លោក អ៊ិន សុភិន បានបង្ហោះរូបថត៣សន្លឹក ដែលបង្ហាញពី អ្នកនាង ភិន សុដាលីស ត្រៀមចូលសម្រាលកូន។ ជាពិសេស រូបលោក ក៏បានសរសេរខាងលើរូបថា "ជូនកូនមកសម្រាលកូន"។  

អ្នកលេងបណ្តាញសង្គម ក៏បានចូលរួមសម្តែងការត្រេកអរ ដែលក្រុមគ្រួសារអ្នកនាង ភិន សុដាលីស បានទទួលសមាជិកថ្មីម្នាក់ទៀត ហើយជូនពររូបនាង ឲ្យមានសុខភាពល្អផងដែរ។ មិនតែប៉ុណ្ណោះ ក៏មានមតិជាច្រើន បានពោលថា លោកឪពុកនៅតែជាឪពុក មិនអាចបោះបង់កូន ទោះបីជាកូនធ្លាប់ធ្វើមិនល្អដាក់ក៏ដោយ នៅតែស្រលាញ់ បីបាច់ថែរក្សាដដែល៕

ចុះចំណែកប្រិយមិត្តមានអ្វីជូនពរទៅកាន់ អ្នកម្តាយវ័យក្មេង អ្នកនាង ភិន សុដាលីសដែរទេ? 

កំណត់ហេតុខ្មែរឡូត៖

ដោយឡែក រំលឹកព័ត៌មានចាស់លើកមុនផងដែរថា ភិន សុដាលីស បានត្រៀមដាក់ឈ្មោះ ឲ្យកូនរួចជាស្រេច គឺមានឈ្មោះថា «katherina» ។ អ្វីដែលគួរឲ្យសង្វេគនោះ គឺអំឡុងនាងមានផ្ទៃពោះ គួរណាស់តែមានស្វាមីនៅក្បែរ ជួយថ្នាក់ថ្នម ដើម្បីផ្ដល់ភាពកក់ក្ដៅ និងកម្លាំងចិត្ត ប៉ុន្តែសម្រាប់តារាសម្ដែង ភិន សុដាលីស បែរជាគ្មានស្វាមីនៅក្បែរ ដែលធ្វើឲ្យនាងសំងំពពោះតែម្នាក់ឯង ហើយពេលលកូនកើតមក ក៏មិនបានទទួលការថ្នាក់ថ្នម ពីឪពុកនោះដែរ។

នៅលើបណ្តាញសង្គមហ្វេសប៊ុក របស់តារាស្រីនាង ភិន សុដាលីស បានសរសេរបង្ហោះ ភ្ជាប់ជាមួយរូបភាពរបស់នាងពពោះកូនក្នុងផ្ទៃបញ្ជាក់ដោយខ្លីថា «Oh ohh Baby 26 weeks Baby katherina » ដែលមានន័យជាភាសាខ្មែរថា «កូនមានផ្ទៃមានអាយុ ២៦ សប្តាហ៍ហើយ កូននឹងត្រូវដាក់ឈ្មោះថា katherina !»។

ក្រោយពីមានការបង្ហោះបែបនេះ ពីសំណាក់តារាស្រី ភិន សុដាលីស គេសង្កេតឃើញថា មាន ទស្សនិកជនជាច្រើន បានសម្ដែងការណិតអាសូរដល់នាង ខណៈកូនមិនទាន់បានឃើញពន្លឺថ្ងៃផង ក៏ស្រាប់តែត្រូវកំពា្រឪពុកតាំងពីចាប់កំណើតយ៉ាងដូច្នេះ។ ក្នុងនោះ ក៏មានអ្នកខ្លះបានលើកឡើងថា ត្រូវតាំងចិត្តឲ្យរឹងមាំឡើងស៊ូៗដល់ថ្ងៃមួយ ដែលយើងធ្វើបាន យើងនឹងហួសចិត្តស្មានមិនដល់ថា យើងអាចធ្វើវាបានដោយជោគជ័យ ស៊ូៗអ្នកម្ដាយគ្រប់រូប ដើម្បីកូនយើង អត់ប្រុសមិនប្រាកដថា យើងស្លាប់ ឬធ្វើមិនកើតនោះទេ។

សូមបញ្ជាក់ថា ជាការកត់សម្គាល់ ចាប់តាំងពីផ្ទុះរឿងរ៉ាវដ៏រសើប អំពីដំណឹងលែងលះគ្នា រវាងតារាសម្តែងស្រីនាង ភិន សុដាលីស ជាមួយស្វាមីគ្មានខាន់ស្លា ហើយត្រូវបានទស្សនិកជន ដាក់ងារថា «ជាប្តីហេងស៊យ» លោក ប៉ែន ចំរ៉ុង រហូតឡើងដោះស្រាយគ្នា នៅតុលាការមកនោះ មកទល់ពេលនេះ ពុំទាន់មានប្រភពណាមួយ ដឹងច្បាស់ពីមូលហេតុ ពិតនៃដំណើររឿង ដែលនាំឲ្យមានការបែកបាក់ របស់ប្តី-ប្រពន្ធពួកគេ ទាំងពីរនាក់នេះឡើយទេ។

• ភិន សុដាលីស
• គ្រួសារ
• ផ្ទៃពោះ