រាជធានីភ្នំពេញ ៖ ម៉ូតូឌ្រីមសេ១២៥ បានដួលច្រងាងនៅលើផ្លូវឯអ្នកបើកបរវិញរងរបួសរលាត់ដៃជើង ដោយសារតែម៉ូតូស្តេបបើកបរដោយបុរសម្នាក់ រួមជាមួយនឹងមិត្ដភក្ដិសុទ្ធតែស្រវឹងស្រាដូចគ្នា ហើយបើកបរមិនគោរពភ្លើងសញ្ញាជាហេតុធ្វើឱ្យអ្នកបើកបរម៉ូតូស្តេប បើកឆ្លងភ្លើងក្រហមមកកៀរម៉ូតូឌ្រីមសេ១២៥ បណ្ដាលឱ្យដួលលើទ្រូងផ្លូវរងរបួស កាលពីវេលាម៉ោង១១និង៤៥នាទីថ្ងៃត្រង់ថ្ងៃទី២៦ កុម្ភៈ ២០១២ នៅចំណុច ផ្លូវ២៣០កែងផ្លូវ២២៣ ក្នុងសង្កាត់ផ្សារដើមគរ ខណ្ឌទួលគោក ។
តាមការឱ្យដឹងពីយុវជនរងគ្រោះជិះម៉ូតូឌ្រីម សេ១២៥ បានឱ្យដឹងថា មុនពេលកើតហេតុខ្លួនបានជិះម៉ូតូតាមបណ្ដោយផ្លូវ២៣០ពីលិចទៅកើត ខណៈមកដល់ចំណុចកើតហេតុក៏បានឆ្លងស្ដុបភ្លើងខៀវ ប៉ុន្ដែនៅពេលកំពុងឆ្លង ស្រាប់តែមានម៉ូតូស្តេបជិះគ្នា២នាក់បានបើកពីត្បូងទៅជើងមក កៀរបណ្ដាលឱ្យម៉ូតូខ្លួនដួលទៅនឹងទ្រូងផ្លូវរងរបួសតែម្តង ។
ក្រោយពីបង្កគ្រោះថ្នាក់អ្នកបើកបរម៉ូតូស្តេបដែ លសុទ្ធតែជាមនុស្សចាស់ទុំបានមករករឿងយុវជនរងគ្រោះថែមទៀត ហើយភាគីទាំងពីរបានជជែកគ្នាអស់រយៈពេលប្រមាណ១៥នាទីស្រាប់តែ ភាគីជិះម៉ូតូស្តេបបានទាញម៉ូតូនាំគ្នាជិះបន្ដទៅមុខទៀត ដោយមិននៅដោះស្រាយជាមួយជនរងគ្រោះនោះឡើយ៕
ដោយ ៖ ប្រុសកោះ
ផ្តល់សិទ្ធដោយ កោះសន្តិភាព
សូមប្រិយមិត្តជួយចុច Add a comment ដើម្បីផ្តល់ជាមតិ និងជួយ Share នៅលើ Facebook របស់អ្នក។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]