ចិន៖ “ស្រឹវឹងស្រា សូមកុំបើកបរ” ជាប្រយោគដែលមនុស្សគ្រប់គ្នាបានដឹង និងត្រូវបានប្រើប្រាស់ជារៀងរាល់ថ្ងៃ ប៉ុន្តែបើអ្នកមិនអនុវត្ត ច្បាស់ជាត្រូវប៉ូលិសចាប់ផាកពិន័យ ឬក៏អាចជួបគ្រោះថ្នាក់ចរាចរណ៍ ជាដើម។
តួយ៉ាង កាលពីពាក់កណ្តាលរាត្រីមួយនៅសប្តាហ៍មុននេះ នារីវ័យក្មេងម្នាក់ត្រូវបានប៉ូលិសក្នុងតំបន់ Xinjiang ប្រទេសចិន បញ្ឈប់រថយន្តដោយសង្ស័យថាបើកបរទាំងស្រវឹងស្រា ហើយប៉ូលិសបានសួររកប័ណ្ណបើកបរ ប៉ុន្តែនារីវ័យក្មេងរូបនេះមិនមានទេ ហើយបែរជាព្យាយាមនិយាយបង្វៀងប៉ូលិសថែមទៀត។
បន្ទាប់ពីសួររកប័ណ្ណបើកបរ ប៉ូលិសក៏បានស្នើឲ្យនាងធ្វើតេស្តផ្លុំរកជាតិអាកុល ដើម្បីដឹងថា នាងមានបានផឹកស្រាដែរឬអត់។ នៅពេលដំបូង នាងបានប្រើល្បិចមិនផ្លុំខ្យល់ទៅក្នុងឧបករណ៍វាស់ជាតិអាកុលនោះទេ ប៉ុន្តែប៉ូលិសបានប្រាប់នាងថា ពួកគេរីករាយក្នុងការជូននាងទៅកាន់មន្ទីរពេទ្យដើម្បីធ្វើតេស្តឈាមជំនួសវិញ។
ក្រោយពីធ្វើតេស្តផ្លុំរកជាតិអាកុល លទ្ធផលអ្នកគ្រប់គ្នាច្បាស់ជាដឹងមុនហើយថា នាងពិតជាបានផឹកគ្រឿងស្រវឹងប្រាកដមែន ហើយបន្ទាប់មកប៉ូលិសក៏បានចាប់ផ្តើមថតរូបនាងទុកជាភស្តុតាង។ ប៉ុន្តែអ្វីដែលធ្វើឲ្យគ្រប់គ្នាហួសចិត្តបំផុតនោះ គឺនារីវ័យក្មេងរូបនេះបានទាមទារឲ្យប៉ូលិសថតរូបនាងជាមួយនឹងកម្មវិធី Meitu ដែលជាកម្មវិធីកែរូបភាពលើទូរស័ព្ទរបស់ចិនមួយ ដើម្បីឲ្យនាងមើលទៅនៅតែស្អាត។
បន្ទាប់ពីព័ត៌មាននេះត្រូវបានបង្ហោះនៅលើអ៊ិនធើណេត មាននុស្សជាច្រើនបានបញ្ចេញមតិឌឺដងលេងសើចចំពោះករណីនេះ ហើយអ្នកខ្លះទៀតបាននិយាយថា កម្មវិធី Meitu គឺពិតជាកម្មវិធីកែរូបភាពដ៏ល្អមែន ហើយម្យ៉ាងវា free ទៀតផង៕
ប្រភព៖ Shanghaiist
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក ប្លែកៗ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
