បរទេស៖ អ្នករាយការណ៍ព័ត៌មានទូរទស្សន៍ម្នាក់ បានបង្ខំចិត្តរត់រកកន្លែងការពារខ្លួន បន្ទាប់ពីការផ្សាយព័ត៌មានបន្តផ្ទាល់របស់លោក ត្រូវបានរំខានដោយសារគ្រាប់រុក្កែតមួយគ្រាប់ ត្រូវបានគេបាញ់ខុសបច្ចេកទេស។
នៅក្នុងវីដេអូបានបង្ហាញថា អ្នកកាសែតរូបនេះបានចាប់ផ្តើមនិយាយទៅកាន់កាមេរ៉ា អំពីមនុស្សមួយក្រុម ដែលត្រូវបានមើលឃើញថាកំពុងនៅពីក្រោយគាត់ ហើយមនុស្សប្រុសពីរបីនាក់ ស្លៀកពាក់ខ្មៅ និងមានបិទមុខ កំពុងព្យាយាមបាញ់គ្រាប់រុក្កែត ដែលយើងមើលឃើញនៅលើស្មាខាងស្តាំរបស់អ្នកកាសែតរូបនេះ ដោយមានផ្សែងហុយចេញពីជើងជម្របាញ់គ្រាប់រុក្កែត។
គ្រាប់រុក្កែតមិនបានបាញ់ចេញទៅទេ បែរជាធ្លាក់នៅកន្លែងបាញ់ ធ្វើឲ្យមនុស្សនៅកន្លែងកើតហេតុនាំគ្នារត់យករួចខ្លួន រួមទាំងអ្នកបាញ់ និងអ្នកកាសែតផងដែរ។ ស្រ្តីម្នាក់ត្រូវបានគេមើលឃើញថា ស្ទើតែរងការវាយប្រហារដោយសារការផ្ទុះនោះ ខណៈអ្នកបាញ់គ្រាប់រុក្កែតម្នាក់បានរងការប៉ះទង្គិចពីការផ្ទុះ។
វានៅមិនទាន់ច្បាស់ពីទីកន្លែងដែលឧប្បត្តិហេតុនេះបានកើតឡើងនោះទេ ហើយក៏មិនដឹងថា តើមានអ្នករងរបួសដែរឬអត់ ប៉ុន្តែគេជឿថា អ្នកយកព័ត៌មាននោះគឺមកពីស្ថានីយ៍ទូរទស្សន៍មួយរបស់អាមេរិកខាងត្បូង។
គួរបញ្ជាក់ថា ហេតុការណ៍នេះបានផ្សាយពាសពេញពិភពលោក ខណៈវាបានកើតឡើងអំឡុងពេលកំពុងធ្វើការផ្សាយផ្ទាល់៕
ប្រភព៖ Mirror
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក ប្លែកៗ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
