ដល់ក! បើអ្នកលក់ប្រហិតអាំង ស្លៀកពាក់ម្លឹងៗ អ្នកណាមិនលួចសម្លឹងមើល!

ថៃ៖ ភាគច្រើន ធ្លាប់តែឃើញអ្នកលក់ប្រហិតតាមដើមផ្លូវ ស្លៀកពាក់ធម្មតាៗ ជិតលើជិតក្រោម តែកាលពីថ្មីៗនេះ មាននារីម្នាក់ ដែលត្រូវបានគេដឹងថា ជាអ្នកប្រហិតអាំងតាមដងផ្លូវ ស្លៀកពាក់បញ្ចេញសាច់ខ្ចី ចំហសាច់ក្បាលពោះ មិនគួរឲ្យជឿ។

រូបថត៣សន្លឹក ដែលមានបុរសម្នាក់បានថត អ្នកលក់ប្រហិតអាំង ត្រូវបានគេចែក ចាយតៗគ្នាក្នុងបណ្តាញសង្គមហ្វេសប៊ុក ហើយថែមទាំងល្បីតាមបណ្តាសារព័ត៌មានមួយចំនួនផងដែរ ដោយមិននឹកស្មានថាអ្នកលក់ប្រហិត ហ៊ានស្លៀកពាក់បង្អួតសម្រស់ដើមទ្រូង នៅតាមដងផ្លូវដល់ម្លឹងៗ។ 

ចំពោះនាងក្រមុំសាច់សខ្ចីរូបនេះ ជាអ្នកលក់ប្រហិតអាំង សាច់ជ្រូក ជើងមាន់ និងចំណីអាហារផ្សេងៗទៀត នៅតាមផ្លូវ ហើយភាគច្រើន ប្រហិតអាំងរបស់នាងត្រូវបានគេសរសើរថា ប្រឡាក់គ្រឿងបានឆ្ងាញ់ ជាមួយនឹងរសជាតិហិលខ្លាំង ដែលត្រូវចិត្តអ្នកទិញតែម្តង។ ហើយអ្វីដែលជាពិសេសនោះ នៅពេលអ្នកដែលមកទិញ មិនត្រឹមបានភ្លក្សរសជាតិប្រហិតអាំង ដ៏ឈ្ងុយឆ្ងាញ់ប៉ុណ្ណោះទេ ថែមទាំងបានមើលសម្ផស្សស្រស់ស្អាត និងស៊ិចស៊ីរបស់រូបនាងទៀតផង៕

តោះចាំកាល់ទៀត ទៅមើលសម្រស់អ្នកលក់ប្រហិតអាំងបន្តិចមើល៖ 

កំណត់ហេតុខ្មែរឡូត៖

ពាក់ព័ន្ធនឹងសម្រស់អ្នកលក់ស្អាតៗនេះដែរ ក៏មានអ្នកលក់នំបញ្ចុកម្នាក់ ស្រស់ស្អាត និងស៊ិចស៊ីមិនចាញ់តារាទេ។

ពិតជាមិនធម្មតាមែន ធ្លាប់តែឃើញអ៊ំៗចាស់ៗ ជាអ្នករែកនំបញ្ចុកលក់ នៅតាមផ្លូវ មិននឹកស្មានថា ពេលនេះនារីដែលមានរូបរាងស្អាតម្នាក់នេះ ស្ម័គ្រចូលខ្លួនមកប្រកបរបរនេះដែរសោះ ដោយមិនគិតថាវាជារបរតូចទាប ទាំងដែលខ្លួនឯងមានរូបរាងស្រស់បស់ មិនចាញ់តារាភាពយន្តប៉ុន្មាននោះទេ។ ចង់ដឹងថាតើសម្រស់របស់នាង ស្រស់ស្អាតយ៉ាងណាទៅ បានជាកម្លោះជ្រួលជ្រើមនៅមិនសុខបែបនេះ?

មានកញ្ញារូបស្អាតម្នាក់ ដែលត្រូវបានគេស្គាល់ថាជាអ្នកលក់នំបញ្ចុក នៅក្នុងហាងតូចមួយ នៅខេត្តឈៀងរ៉ាយ ប្រទេសថៃ ហាក់កំពុងតែអង្រួនឆាបយកបេះដូងកម្លោះៗ ទូទាំងខេត្តនេះគ្រប់ៗគ្នា ព្រោះតែសម្រស់របស់នាង។ នារីម្ចាស់ហាងដែលបានតុបតែងខ្លួនហ៊ឺហា និងស៊ិចស៊ីរូបនេះមានឈ្មោះថា រុត ជីប ឈ្មោះក្នុង Facebook និងមានឈ្មោះពិត ជិនកាន់យ៉ាខឿនពេជ្រ ឆ្នាំនេះទើបតែមានអាយុ ២៤ឆ្នាំប៉ុណ្ណោះ។

គួរបញ្ជាក់ផងដែរថា យោងតាមការសារព័ត៌មានថៃក្នុងស្រុក ក៏បានបង្ហាញឱ្យដឹងផងដែរថា កាលពីមុននាងធ្លាប់ជាប់ក្នុង Top 20 Maxim 2015 ទើបធ្វើឱ្យកេរ្តិ៍ឈ្មោះរបស់នាង មានភាពល្បីរន្ទឺដល់ថ្នាក់នេះ។ រីឯកម្លោះៗវិញ ឱ្យតែបានជិះកាត់ហាងនេះម្តងៗ ត្រូវតែឆៀងចូលមកញ៉ាំនំបញ្ចុករបស់ស្រីស្អាតម្នាក់នេះតែម្តង។

ជួបជាមួយគេហទំព័រក្នុងស្រុកមួយ នារីរូបស្រស់សាច់ខ្ចី បានប្រាប់ថា ហាងរបស់នាងទើបតែបើកដំណើរការ លក់បាន ៤ខែប៉ុណ្ណោះ ហើយកាលពីមុនគឺលក់ឈប់ៗមិនសូវជាបានលក់ទៀងទាត់ពេលវេលាទេ ព្រោះនឿយហត់ពេក ទាំងដែលមានអតិថិជនគាំទ្រច្រើន និងលក់ដាច់ខ្លាំងណាស់។ ជាពិសេសភ្ញៀវដែលចូលមកញ៉ាំភាគច្រើន មានសុទ្ធតែបុរសៗប្រមាណជាជិត៦០%ឯណោះ ក្នុងចំណោមភ្ញៀវទាំងអស់ ដែលបានមកញ៉ាំ ហើយមានមួយចំនួនទៀតគឺគ្រាន់តែចង់ចូលមកដើម្បីបានឃើញមុខនាង និងសុំថតរូបជាមួយទុកជាអនុស្សារីយ៍ផងដែរ៕

ចុះប្រិយមិត្តវិញ គិតយ៉ាងណាដែរ បើមាននារីរូបស្អាតបែបនេះ មកលក់នំបញ្ចុកនៅស្រុកយើង?

• អាហារ