ខេត្តត្បូងឃ្មុំ ៖ ពិតជាសាហាព្រៃផ្សៃខ្លាំងណាស់ ដែលបុរសម្នាក់បន្ទាប់ពីរួមរ័កជាមួយនារីម្នាក់ឆ្អែនឆ្អន់ហើយ ស្រាប់តែរឹតកសម្លាប់បំបិតមាត់ទាំងអាក្រាតននលគក រួចថែមទាំងយកនំប៉ាវញាត់ចូលក្នុងមាត់ថែមទៀត ។ ហេតុការណ៍នេះបង្កឲ្យមានការភ្ញាក់ផ្អើលកាលពីវេលាម៉ោងប្រហែល៦ព្រឹក ថ្ងៃទី៣ ខែកញ្ញា ឆ្នាំ២០១៦ នៅចំណុចបន្ទប់ជួលមួយកន្លែងស្ថិតក្នុងភូមិពើក ឃុំក្រែក ស្រុកពញាក្រែក ខេត្តត្បូងឃ្មុំ ។
សមត្ថកិច្ចបានឲ្យដឹងថា នារីរងគ្រោះឈ្មោះ សែម សុខុម អាយុ២៥ឆ្នាំ រស់នៅភូមិស្រែទ្រៀក ឃុំដំរីផុង ស្រុកឆ្លូងខេត្តក្រចេះ ។
សមត្ថកិច្ចមូលដ្ឋានបានឲ្យដឹងថា នៅយប់ថ្ងៃទី២កញ្ញា មានបុរសមិនស្គាល់អត្តសញ្ញាណម្នាក់បាននាំនារីរងគ្រោះមកជួលបន្ទប់បន្ទប់ជូលលេខ៦ដើម្បីស្នាក់នៅដោយឲ្យកំរៃឈ្មួលទៅម្ចាស់ផ្ទះ១ម៉ឺនរៀល ។ លុះព្រឹកឡើងថ្ងៃទី៣កញ្ញា ពេលដែលស្ត្រីចំណាស់ម្ចាស់ផ្ទះក្រោកពីដំណេក ក៏ដើរមើលបន្ទប់ភ្ញៀវដេក ស្រាប់តែឃើញបន្ទប់លេខ៦ ទ្វារចំហរខុសប្លែកពីធម្មតា លុះពេលដែលដើរទៅអើតមើល ក៏ឃើញស្ត្រីរងគ្រោះបានដេកស្លាប់ដោយអាក្រាតកាយននលគកតែម្តង ។ ភ្លាមៗនោះស្ត្រីម្ចាស់ផ្ទះបានប្រញាប់ទូរស័ព្ទប្តឹងសមត្ថកិច្ចប៉ុស្តិ៍រដ្ឋបាលក្រែក ដើម្បីឲ្យចុះមកពិនិត្យសព ។
សមត្ថកិច្ចមូលដ្ឋានបញ្ជាក់ថា ដោយទទួលបានបញ្ជាពីលោកឧត្តមសេនីយ៍ត្រីម៉ៅ ពៅ ស្នងការនគរបាលខេត្ត កម្លាំងជំនាញព្រហ្មទណ្ឌស្រុក និងខេត្ត ព្រមទាំងក្រុមគ្រូពេទ្យ បានបង្កើតគណៈកម្មការចុះពិនិត្យសព ឃើញថា មានស្នាមរឹតក និងក្នុងមាត់ត្រូវបានញាត់នំប៉ាវឡើងណែនមាត់ ដោយអាក្រាតកាយននលគក ។ ក្នុងបន្ទប់ដេកមិនមានបន្សល់ទុកនូវវត្ថុតាងអ្វីដែលគួរឲ្យកត់សំគាល់នោះទេ តំបូងៗគេមិនស្គាល់អត្តសញ្ញាណអ្នកស្លាប់ឡើយ តែតាមការស្រាវជ្រាវនោះទើបដឹងអ្នកស្លាប់ឈ្មោះ សុខុម ។ ក្រោយពីសមត្ថកិច្ចបានពិនិត្យរួចរាល់ សពនារីរងគ្រោះត្រូវបានដឹកមករក្សាទុកនៅវត្តមួយជាបណ្តោះអាសន្នដើម្បីរង់ចាំសាច់ញាតិមកទទួលយកទៅធ្វើបុណ្យតាមប្រពៃណី ។
ប្រភពពីអ្នកស្គាល់នារីរងគ្រោះបានឲ្យដឹងថា ដោយសារតែឃើញម្តាយមានជីវភាពក្រីក្រ ថែមទាំងជាប់បំណុលធនាគារច្រើនពេក នារីរងគ្រោះក៏សុខចិត្តចាកចេញពីផ្ទះដើម្បីរកលុយឲ្យម្តាយសងធនាគារ តែមិនទាន់បានសងផង ត្រូវបានឃាតករចិត្តអប្រិយសម្លាប់ក្នុងបន្ទប់ជួលយ៉ាងអណោចអធ័មបំផុត ៕
ប្រភព៖ កោះសន្តិភាព
កំណត់ហេតុខ្មែរឡូត៖
ដោយឡែក ករណីមួយផ្សេងទៀត កាលពីលើកមុន ខឹងមានសង្សារច្រើន ណាត់មិត្តស្រីមករំលោភបូក១ទល់៥នាក់ ទើបសម្រេចបាន៣នាក់ ខាងស្រីសន្លប់ស្តូក ក៏ត្រូវឃាត់ខ្លួន ។ គួររំលឹកផងដែរថា សមត្ថកិច្ចនគរបាលស្រុកស្អាង ខេត្តកណ្តាល បានឲ្យដឹងថា កាលពីព្រឹកថ្ងៃទី០២ ខែសីហា កន្លងទៅនេះថា កម្លាំងនគរបាល បានឃាត់ខ្លួនយុវជន៥នាក់ ពីបទរំលោពសេពសន្ថវៈ លើកនារីម្នាក់រហូតដល់សន្លប់ នៅម៉ោងប្រមាណជា ៩៖១០នាទីយប់ថ្ងៃទី០១ ខែសីហា ឆ្នាំ២០១៦ នៅចំណុចចំការស្វាយ ស្ថិតភូមិរកាលើ ឃុំខ្ពប ស្រុកស្អាង។
សមត្ថិកិច្ចបានឲ្យដឹងថា ជនរងគ្រោះ ឈ្មោះ ឡ.ច.ដ ភេទស្រី អាយុ២២ឆ្នាំ ជនជាតិខ្មែរ មុខរបរកម្មការីនី មានទីលំនៅភូមិកោះខែល ឃុំកោះខែល ស្រុកស្អាង។ ចំណែកជនសង្ស័យទាំង០៥នាក់៖ ១- ឈ្មោះ រ៉េត រដ្ឋា ហៅមោគ ភេទប្រុស អាយុ២០ឆ្នាំ ជនជាតិខ្មែរ មុខរបរ កសិករ, ២- ឈ្មោះ សុភាព ឆ្លូញ ភេទប្រុស អាយុ១៨ឆ្នាំ ជនជាតិខ្មែរ មុខរបរ កសិករ, ៣- ឈ្មោះ កែវ ឆ្លាត ភេទប្រុស អាយុ ១៧ឆ្នាំ ជនជាតិខ្មែរ មុខរបរ កសិករ, ៤- ឈ្មោះ យ៉ុង យុត ភេទប្រុស អាយុ ១៧ឆ្នាំ ជនជាតិខ្មែរ មុខរបរ កសិករ, ៥- ឈ្មោះ ធី លាង ភេទប្រុស អាយុ១៦ឆ្នាំ ជនជាតិខ្មែរ មុខរបរ កសិករ អ្នកទាំង៥ខាងលើ មានទីលំនៅភូមិរកាលើ ឃុំខ្ពប ស្រុកស្អាង ខេត្តកណ្តាល។
សមត្ថកិច្ចបានរៀបរាប់ដំណើររឿងថា នៅវេលាម៉ោង ៨៖០០នាទីយប់ថ្ងៃទី០១ ខែសីហា ឈ្មោះ រ៉េត រដ្ឋា បានទាក់ទងទូរស័ព្ទទៅមិត្តស្រី ជាស្ត្រីរងគ្រោះ ដើម្បីមករួមភេទ ពេលនោះជនរងគ្រោះ បានដើរមកឆ្លងដរកោះខែលមកឃុំខ្ពប ដោយមានឈ្មោះ កែវ ឆ្លាត និងឈ្មោះ រ៉េត រដ្ឋា ចាំទទួល ពេលទៅដល់ត្រើយម្ខាងឈ្មោះ ឆ្លាត ឌុប ឈ្មោះ រដ្ឋា និងឈ្មោះ ចាន់ដន ដោយម៉ូតូម៉ាកនិច សំដៅចូលសាលាអនុវិទ្យាល័យខ្ពប ពេលជាមួយគ្នានោះ មានភ្លើងពិលគេចុចឆ្វេកឆ្វាច ឈ្មោះ ឆ្លាត ឌុបឈ្មោះ រដ្ឋា និងឈ្មោះ ចាន់ដន ចេញសំដៅទៅចំការស្វាយ ស្ថិតនៅខាងត្បូងព្រែកវត្តខ្ពប ទៅទិសខាងកើតចម្ងាយប្រហែល ៥០០ម៉ែត្រ ពីផ្លូវលេខ១១០ (ខាងកើតទន្លេបាសាក់)។
ចំណែកឈ្មោះ សុភាព ឆ្លូញ ជិះម៉ូតូគុបមូលឌុបឈ្មោះ យ៉ុង យុត និងឈ្មោះ ធី លាង តាមពីក្រោយ ពេលទៅដល់វេលាម៉ោង ៩៖១០នាទីយប់ថ្ងៃដដែល ឈ្មោះ រ៉េត រដ្ឋា ឲ្យឈ្មោះ ចាន់ដន ដេកដីរួចស្រាតខោក្រៅ និងខោក្នុងជនរងគ្រោះរំលោភសេពសន្ថវៈមុនគេ បានមួយលើក បន្ទាប់មកឈ្មោះ កែវ ឆ្លាត រំលោភបានមួយលើក និងឈ្មោះ សុភាព ឆ្លូញ កំពុងរំលោភសេពសន្ថវៈក៏ជនរងគ្រោះសន្លប់ ឈ្មោះ ឆ្លូញ ក៏បញ្ឈប់សកម្មភាពតែម្តង (ដោយប្រើស្រោមអនាម័យទាំងអស់គ្នា) ចំណែកឈ្មោះ ធី លាង និងឈ្មោះ យ៉ុង យុត នៅចាំម៉ូតូមិនបានរំលោភសេពសន្ថវៈទេ។ នៅពេលនោះឈ្មោះ រ៉េត រដ្ឋា បានបីជនរងគ្រោះដោយឈ្មោះ សុភាព ឆ្លូញ ឌុបដោយម៉ូតូគុបសេ៥០ ហើយឈ្មោះ ឆ្លាត ជិះម៉ូតូម៉ាមនិចឌុបឈ្មោះ យុត និងឈ្មោះ លាង សំដៅមកឆ្លងដរចុងកោះ ពេលទទួលបានព័ត៌មានខាងលើ សមត្ថកិច្ចនគរបាលស្រុកស្អាង បានអន្តរាគមន៍ និងធ្វើការឃាត់ខ្លួនជនល្មើសខាងលើ ចំណែកជនរងគ្រោះបានបញ្ជូន មកព្យាបាលនៅមន្ទីរពេទ្យឃុំតាលន់។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]