(ភ្នំពេញ)៖ ដូចអ្វីដែល សាន ស្រីឡៃ ធ្លាប់តែមានក្តីស្រមៃ ចង់ក្លាយជាតារាចម្រៀងដ៏ល្បីមួយរូបនោះ បច្ចុប្បន្នអតីតបេក្ខនារី កម្មវិធីប្រឡងចម្រៀងលំដាប់ថ្នាក់ ពិភពលោក «The Voice Cambodia» រដូវកាលទី២ អ្នកនាង សាន ស្រីឡៃ បានប្រកាសស្នើឲ្យទស្សនិកជនគាំទ្រ នូវចម្រៀងថ្មីរបស់នាង ចេញលើកដំបូងប្រចាំផលិតកម្មភ្លេងរីខត គឺបទចម្រៀង Original Song មានចំណងជើងថា «នឹកគេស្ទើរស្លាប់ខ្លួនហើយ!
នៅលើបណ្តាញសង្គមហ្វេសប៊ុក របស់តារាចម្រៀងស្រី មកពីខេត្តបន្ទាយមានជ័យ អ្នកនាង សាន ស្រីឡៃ មុននេះបន្តិច បានសរសេរបង្ហោះភ្ជាប់ ជាមួយឃ្លីបវីដេអូចម្រៀងរបស់ខ្លួនថា «មិនដឹងថា អាមិចអាម៉ាទេ សាន ស្រីឡៃ អើយ...! តែយ៉ាងណានាងខ្ញុំ សូមអគុណសម្រាប់ការគាំទ្រ របស់ពុកម៉ែបង បងប្អូន និងមិត្ដៗជាទីស្រឡាញ់ទាំងអស់គ្នា អរគុណ ដែលអ្នកទាំងអស់គ្នា ធ្វើឲ្យខ្ញុំមានថ្ងៃនេះ ហើយពិសេសនោះ គឺសូមអគុណដល់គ្រូរបស់ខ្ញុំ គឺបងស្រី ពេជ្រ សោភា គឺគាត់តែម្នាក់ដែលបានផ្ដល់ភាពខ្វះខាត ដែលខ្ញុំមាន គាត់ព្យាយាមធ្វើឲ្យក្មេងល្ងង់ម្នាក់នេះ ឲ្យស្គាល់នូវអ្វីដែលហៅថាសិល្បៈ»។
អ្នកនាង សាន ស្រីឡៃ បាន្តថា «ខ្ញុំហ្នឹងធ្វើតាមដំបូន្មានរបស់បងរហូតទៅ អរគុណខ្លាំងណាស់ បើគ្មានការស្រឡាញ់ពីបងៗទាំងអស់នោះ ម្ល៉េះពេលនេះក្ដីបំណង សាន ស្រីឡៃ មិនដឹងថា យ៉ាងមិចឡើយស្រឡាញ់ SP ស្រឡាញ់ក្រុម SP ទាំងអស់។ ខ្ញុំមានបទផ្ទាល់ខ្លួនហើយសង្ឃឹមថា ពុកម៉ែបងប្អូន និងមិត្ដៗស្រលាញ់គាំទ្រទាំងអស់គ្នា អរគុណច្រើនចា៎!»។
សូមបញ្ជាក់ថា បទ Original Song ដែលច្រៀងដោយតារាស្រីរូបស្រស់សោភា អ្នកនាង សាន ស្រីឡៃ គឺជាស្នាដៃនិពន្ធទំនុកច្រៀង និង Melody ថ្មី ដោយ ទ្រី សក្កដា និងនិពន្ធបទភ្លេងថ្មី ដោយ មាស សុគន្ធ ។ បទ «នឹកគេស្ទើរស្លាប់ខ្លួនហើយ» ដែលទើបត្រូវបានប្រកាស ចេញលក់ឆាប់ៗនេះ ដោយផលិតកម្មភ្លេងរីខត៕
ប្រភព៖ Khmertalking
កំណត់ហេតុខ្មែរឡូត៖
ដោយឡែក រំលឹកព័ត៌មានចាស់លើកមុនផងដែរថា ពេជ្រ សោភា អាណិតដល់ សាន ស្រីឡៃ ពេក សុខចិត្តឲ្យរ៉ូបស្លៀកពេលឡើងឆាក ចង់ឲ្យទុកលុយព្យាបាលម្ដាយ គួររំលឹកផងដែរថា នេះមិនមែនជាលើកទី១ទេ សម្រាប់តារាចម្រៀងស្រីប្រចាំ ផលិតកម្មហង្សមាស និងជាគ្រូបង្វឹកក្នុងកម្មវិធីប្រឡងចម្រៀង លំដាប់ថ្នាក់ពិភពលោក «The Voice Cambodia» រដូវកាលទី២ អ្នកនាង ពេជ្រ សោភា ទទួលបានការលើកសរសើរ ពីសំណាក់ទស្សនិកជ និងតារាសិល្បៈដូចគ្នា លើអត្តចរិក ព្រមទាំងសមត្ថភាព-ទេពកោសល្យ ស័ក្តិសមជាតារាល្បីឈ្មោះ។
តារាចម្រៀង និងគ្រូបង្វឹក (Coach)ក្នុងកម្មវិធី «The Voice Cambodia» អ្នកនាង ពេជ្រ សោភា ត្រូវបានគេកត់សម្គាល់ឃើញថា នាងហាក់មានយីអ៊ុនខ្ពស់ឡើងវិញ បន្ទាប់ពីបទចម្រៀង Original Song ជាច្រើនត្រូវបានផលិតចេញលក់ នៅលើទីផ្សារចម្រៀង ពិសេសគឺតាមរយៈ «បទរាំញីកែវជើង»។ មិនតែប៉ុណ្ណោះអ្នកនាង ពេជ្រ សោភា ក៏ក្លាយជាគ្រូបង្វឹក (Coach) របស់កម្មវិធី «The Voice Cambodia» រដូវកាលទី២ដែលរៀបចំ ដោយស្ថានីយទូរទស្សន៍ ហង្សមាស ផងដែរ។
ដ្បិតតែយ៉ាងនេះក៏ពិតមែន តែចំពោះអ្នកនាង ពេជ្រ សោភា ថ្មីៗនេះត្រូវបានមហាជន អ្នកគាំទ្រជាច្រើនមើលឃើញថា នាងជាគូ្របង្វឹកដែលមានសមត្ថភាព ក្នុងការជ្រើសរើសត្រូវជាមួយបេក្ខជន ប្រឡងនៅក្នុងកម្មវិធី «The Voice Cambodia» ខណៈដែលមានមិត្តក្នុងហ្វេសប៊ុកមួយចំនួនធំ ក៏បានយល់ឃើញដូចគ្នានេះដែរ។ ម្យ៉ាងទៀត ពេជ្រ សោភា ក៏ត្រូវបានគេលើកសរសើរ ពីទង្វើល្អៗជាមួយបេក្ខជន និងបេក្ខនារីជាកូនក្រុម ផងដែរ។
ប្រភពពីអ្នកនិយមលេងបណ្តាញ សង្គមហ្វេសប៊ុកបានលើកឡើងថា «ខ្ញុំសូមសរសើរបងភា ជាមនុស្សមានទឹកចិត្តចេះជួយទុក្ខធុរៈដល់កូនក្រុម គាត់ដោយបានឲ្យ ស្រីឡៃ ស្លៀករ៉ូបរបស់គាត់ ព្រោះគាត់មិនចង់ឲ្យ ស្រីឡៃ ចំណាយច្រើនទៅលើសម្លៀកបំពាក់ មកប្រឡងចង់ឲ្យទុកលុយទៅព្យាបាលម្តាយ ។ មិនមែនតែ ស្រីឡៃ ម្នាក់ទេ ដែលបងភា ជួយតាំងពី The voice season 1 បងភាតែងតែជួយដល់កូនក្រុម»។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
