ភ្នំពេញ ៖ យុវជន២នាក់ ត្រូវជនមិន ស្គាល់មុខ៥នាក់ ប្រើដំបង៤ជ្រុងវាយ ក្នុងចេតនាសម្លាប់ បណ្តាលអោយរង របួសធ្ងន់ដេកសន្លប់នៅក្នុងថ្លុកឈាម នៅម៉ោង១០យប់ ថ្ងៃទី៧ ខែកក្កដា ឆ្នាំ២០១៦ នៅចំណុចមុខហាង រាត្រីជួបស្នេហ៍ ស្ថិតក្នុងភូមិទួលគោក សង្កាត់ទួលសង្កែ ខណ្ឌប្ញស្សីកែវ ។
បើតាមមន្រ្តីនគរបាល បានឲ្យដឹងថាជនរងគ្រោះមានគ្នា៣នាក់ របួសធ្ងន់២នាក់ រត់រួចខ្លួនម្នាក់ ជនរងគ្រោះទី១-ឈ្មោះ អុល វារៈ ភេទប្រុស អាយុ២០ឆ្នាំ ធ្វើការនៅក្រុមហ៊ុនផលិតទឹកបរិសុទ្ធ ចំណែកម្នាក់ទៀតមិនទាន់ស្គាល់អត្តសញ្ញាណនៅឡើយទេ ចំណែកជនដៃដល់មានគ្នា៥នាក់ មិនស្គាល់អត្តសញ្ញាណទេព្រោះបានរត់គេចខ្លួនបាត់អស់ ។
បើតាមសាក្សីថា មុនពេលកើតហេតុ ជនរងគ្រោះ៣នាក់បានរត់ចេញពីក្នុងហាងផឹកស៊ីយីហោរាត្រីជួបស្នេហ៍ ដោយមានយុវជនមួយក្រុមទៀតមានគ្នា៥-៦នាក់ បានរត់ដេញតាមពីក្រោយ ប្រដាប់ដោយដំបង និងដុំថ្ម បានស្រែកថា វាយវាឲ្យងាប់ ខណៈរត់ចេញបានប្រមាណ១០ម៉ែត្រ ក៏ត្រូវក្រុមជនដៃដល់តាមទាន់ និងវាយសំពងដោយដំបងបែកក្បាលសន្លប់២នាក់ រីឯម្នាក់ទៀតរត់គេចខ្លួនបាត់ ចំណែកជនដៃដល់បន្ទាប់ពីវាយជនរងគ្រោះដេកដួលសន្លប់២នាក់ហើយបាននាំគ្នារត់ឡើងជិះរ៉ឺម៉កម៉ូតូគេចខ្លួនបាត់ស្រមោល៕
ប្រភព៖ ដើមអម្ពិល
កំណត់ហេតុខ្មែរឡូត៖
ដោយឡែក មួយករណីផ្សេងទៀតផង ត្រឹមរយៈពេល៤ថ្ងៃ កម្លាំងអាវុធហត្ថខណ្ឌពោធិ៍សែនជ័យ ក្រោមការដឹកនាំបញ្ជាផ្ទាល់ពីលោក ជឹម ឬទ្ធី ជាមេបញ្ជាការ បានបើកប្រតិបត្តិការ តាមចាប់ក្រុមជនដៃដល់ ចំនួន៣នាក់ ក្នុងនោះ២នាក់ ជាជនប្រព្រឹត្ត និងម្នាក់ជាបក្ខពួក (អ្នកទទួលផលចោរកម្ម) ដែលជាប់ពាក់ព័ន្ធ ការជិះម៉ូតូដេញកាប់ប្រហារ ជនរងគ្រោះ២នាក់ បណ្តាលឲ្យស្លាប់ម្នាក់ និងរបួសធ្ងន់ម្នាក់ នៅក្រោយផ្សារកាណាឌីយ៉ា សង្កាត់ចោមចៅ នាយប់ថ្ងៃទី៣ ខែកក្កដា ឆ្នាំ២០១៦។
ប្រតិបត្តិការតាមបង្ក្រាប និងចាប់ខ្លួនក្រុមបង្កខាងលើនេះ បានធ្វើឡើងនៅរសៀលថ្ងៃទី៧ ខែកក្កដា ឆ្នាំ២០១៦នេះ ស្ថិតនៅភូមិកន្ទោកខាងត្បូង សង្កាត់កន្ទោក ខណ្ឌពោធិ៍សែនជ័យ។
មន្រ្តីអាវុធហត្ថ ខណ្ឌពោធិ៍សែនជ័យ បានឲ្យដឹងថា ជនសង្ស័យ២នាក់ ដែលជាអ្នកប្រព្រឹត្តផ្ទាល់នោះទី១ឈ្មោះ សូ សុផុន អាយុ២៥ឆ្នាំ និងទី២ឈ្មោះ លុង សាវុទ្ធី អាយុ២៣ឆ្នាំ និងទី៣ដែលជាបក្ខពួករឿងទទួលផលចោរកម្មនោះមានឈ្មោះ សូ ពុទ្ធវិច្ឆិកា អាយុ២៥ឆ្នាំ។ យ៉ាងណាក៏ដោយ សម្រាប់បក្ខពួកផ្សេងទៀត បាន និងកំពុងរត់គេចខ្លួន ហើយកម្លាំងជំនាញបាន និងកំពុងតាមចាប់យកមកផ្តន្ទាទោសតាមច្បាប់។
អានបន្ត សូមចុចទីនេះ
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]