បារាំង៖ ការប្រកួតពានរង្វាន់ទ្វីបអ៊ឺរ៉ុបបានរកឃើញ ៣ក្រុម ទៀតហើយ សម្រាប់ត្រៀមការប្រកួត ក្នុង វគ្គ៨ក្រុម ចុងក្រោយ គឺ បារាំង អាល្លឺម៉ង់ និងបែលហ្ស៊ិក ។
ទាក់ទងនឹងការប្រកួតកាលពីយប់មិញនេះ បារាំង ដែលជាម្ចាស់ផ្ទះ បានយកឈ្នះ ក្រុមជម្រើសជាតិ សាធារណៈរដ្ឋអៀរឡង់ ទាំងពិបាក ពោលគឺ បានធ្វើឲ្យ សាធារណៈរដ្ឋអៀរឡង់ នាំមុខមុន តាំងពីនាទី២ ក្នុងការប្រកួត ដោយសារការស៊ុតបាល់ពិន័យ ១១មែត្រ ដោយកីឡាករ Robert Brady ។
ចូលដល់តង់ទី២ ទោះបី សាធារណៈរដ្ឋអៀរឡង់ ព្យាយាមចុះបិទយ៉ាងណាក្តី បារាំងនៅតែស្វាត់ស្វែង រកគ្រាប់បាល់រហូតដល់បានសម្រេច គឺនៅនាទី ៥៨ ខ្សែប្រយុទ្ធរបស់ក្លិប Atletico Madrid កីឡាករ Antoine Griezmann តែតចូលផុតដៃអ្នកចាំទី ចំពោះគ្រាប់បាល់ទី២ របស់បារាំង គឺនៅ៣បន្ទាប់ ពោលគឺ នាទី៦១ កីឡាករ Antoine Griezmann ដដែលជាអ្នកស៊ុតបញ្ចូលទី។ លទ្ធផល ២-១ នេះបន្តរហូតដល់បញ្ចប់ការប្រកួត ទោះបីជា សាធារណៈរដ្ឋអៀរឡង់ ទទូលបានកាតក្រហមម្នាក់ក្តី ។
ចូលមកដល់ការប្រកួតមួយគូទៀតក្នុងវគ្គ ១៦ក្រុម ចុងក្រោយ គឺអាល្លឺម៉ង់ បំបាក់ ស្លូវាគី ៣-០ ។ ក្រុមជើងឯកពិភពលោក អាល្លឺម៉ង់ នៅតែខ្លាំង ពោលគឺ តាំងពីចាប់ផ្តើមការប្រកួត EURO មក គឺមិនទាន់មានក្រុមណាស៊ុតចូល អាល្លឺម៉ង់ទេ ហើយកាលពីយប់មិញនេះ ពួកគេបានទំលាក់ ក្រុមជម្រើសជាតិ ស្លូវាគី ដោយគ្រាប់បាល់ទីមួយនោះគឺធ្វើឡើងដោយកីឡាករ Jerome Boateng នៅនាទី៨ ចំនែកឯគ្រាប់បាល់ទី២ ធ្វើឡើងដោយកីឡាករ Mario Gomez និង Julian Draxler ស៊ុតថែមមួយគ្រាប់ទៀត នៅនាទី៦៣ ធ្វើឲ្យ អាល្លឺម៉ង់ កក់កន្លែងមួយនៅវគ្គ ៨ក្រុម ចុងក្រោយ ។ សូមបញ្ជាក់ផងដែរថា អាល្លឺម៉ង់ មានឱកាសស៊ុតបាល់ប៉េណាល់ទី មួយដែរ តែកីឡាករ Mesut Ozil ធ្វើមិនបានសម្រច ។
ក្រលេកមកមើលការប្រកួតមួយគូទៀតរវាង បែលហ្ស៊ិក និង ហុងគ្រី ដែលក្រុមជម្រើសជាតិ បែលហ្ស៊ិក បានកក់កន្លែងមួយនៅវគ្គ ៨ក្រុម ចុងក្រោយ បន្ទាប់ពី បំបាក់ក្រុមជម្រើសជាតិ ហុងគ្រី យ៉ាងចាស់ដៃ ក្នុងលទ្ធផល ៤-០ ។ ដូច្នេះ ក្នុងវគ្គ ៨ក្រុម ចុងក្រោយ បែលហ្ស៊ិក នឹងឡើងទៅប៉ះក្រុមជម្រើសជាតិ វេលស៍ ដែលទើបនឹងឈ្នះ អៀរឡង់ខាងជើងកាលពីយប់មិញនេះ ។
ទស្សនាវីដេអូ Highlight ៖
ប្រភព៖ Skysports
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
