(ឧត្តរមានជ័យ)៖ ជនសង្ស័យម្នាក់ផឹកស្រាស្រវឹងរួច កើតចិត្តក្លាហាន ក៏ឡើងផ្ទះគេចាប់រំលោភកូនក្រមុំគេ តែមិនបានសម្រេចក៏ត្រូវជាប់ខ្នោះសមត្ថកិច្ច។
លោកឧត្តមសេនីយ៍ត្រី ម៉ែន លី ស្នងការខេត្តបានឲ្យភ្នាក់ងារ Fresh News ដឹងថា ក្រោយពីកម្លាំងអធិការក្រុងសំរោង បានទទួលបណ្តឹងថា មានករណីប៉ុនប៉ងរំលោភសេពសន្ថវៈ កើតឡើងកាលពីយប់ថ្ងៃ១៣ ខែមិថុនា ឆ្នាំ២០១៦ ដោយជនសង្ស័យបាន ផឹកស្រាស្រវឹង ធ្វើសកម្មភាពលើឈ្មោះ ល ស គ ភេទស្រី អាយុ១៧ឆ្នាំ រស់នៅភូមិអូរឫស្សី សង្កាត់កូនគ្រៀល ក្រុងសំរោង នៅផ្ទះជនរងគ្រោះ ដែលបង្កឡើង ដោយជនសង្ស័យឈ្មោះ ម៉ាត់ ជា ភេទប្រុសអាយុ៣៧ឆ្នាំ។
សម្ថកិច្ចក្រោយទទួលបានបណ្តឹង កំលាំងអធិការក្រុងសហការ ជាមួយប៉ុស្តិ៍រដ្ឋបាលកូនគ្រៀល ធ្វើការស្វែងរក និងបានធ្វើការឃាត់ខ្លួន ជនសង្ស័យ និងសាកសួរ។ នៅចំពោះមុខសមត្ថកិច្ច ជនល្មើសបានឆ្លើយសារភាពថា ខ្លួនពិតជាប្រព្រឹត្តិ ករណីខាងលើមែនដោយខ្លួនស្រវឹង បាត់បង់ស្មារតី ទើបហ៊ានដូច្នេះ។
បច្ចុប្បន្ននេះសមត្ថកិច្ចកំពុងសាងសំណុំរឿង បញ្ចូនជនសង្ស័យ ទៅកាន់សាលាដំបូងចាត់ការតាមច្បាប់៕
ប្រភព៖ Fresh News
កំណត់ហេតុខ្មែរឡូត៖ ទាក់ទងនឹងករណីរំលោភ ដែលកើតឡើងស្រដៀងគ្នានេះដែរ គួររំលឹកផថដែរថា កាលពីថ្ងៃទី១១ ខែមិថុនា កន្លងទៅ បុរសម្នាក់ត្រូវបានកម្លាំងនគរបាលឃាត់ខ្លួន បន្ទាប់ពីធ្វើសកម្មភាព ចាប់រំលោភ ប្អូនស្រីជីដូនមួយ របស់ខ្លួន នៅលើផ្ទះខណៈ កំពុងដេកជាមួយកូន នៅចំណុច ផ្ទះគ្មានលេខ ផ្លូវបេតុង ភូមិក្តីតាកុយ សង្កាត់វាលស្បូវ ខណ្ឌ ច្បារអំពៅ ។
បើតាមមន្ត្រីនគរបាល បានឲ្យដឹងថា ជនរងគ្រោះឈ្មោះគុំ រត្ថា ភេទស្រី អាយុ២៩ឆ្នាំ មុខរបរកម្មកានី រោងចក្រកាត់ដេរ ស្នាក់នៅផ្ទះ កនុងភូមិក្តីតាកុយ ចំណែកជនសង្ស័យ ឈ្មោះ អ៊ុត សុវណ្ណដេត ភេទប្រុស អាយុ៣០ឆ្នាំ មុខរបរជាងធ្វើផ្ទះ ស្នាក់នៅ ភូមិក្តីតាកុយ សង្កាត់វាលស្បូវ ខណ្ឌ ច្បារអំពៅ។
មន្ត្រីនគរបាលបានបន្តថា មុនពេលកើតហេតុ ជនរងគ្រោះកំពុងដេក នៅក្នុងបន្ទប់នៅលើផ្ទះ ជាមួយកូនប្រុស អាយុ០៩ឆ្នាំ ពេលនោះជនសង្ស័យ បានដើរមកពីផឹកស្រា ពេលមកដល់មុខផ្ទះ ជនរងគ្រោះ ដែលត្រូវជា បងប្អូនជីដូនមួយ ក៏ឃើញទ្វារផ្ទះចំហរ ពេលនោះ ក៏បានឡើងទៅលើផ្ទះ រួចដើរចូលក្នុងបន្ទប់ ឃើញជនរងគ្រោះ កំពុងដេក ជនសង្ស័យ ក៏រកចាប់រំលោភ ដោយទៅដេកអោបពីក្រោយ ពេលនោះជនរងគ្រោះដឹងខ្លួន ក៏បានស្រែក ហើយជនសង្ស័យ ក៏បានចាប់ខ្ទប់មាត់ កុំអោយស្រែក រួចជនរងគ្រោះ ក៏បានរើបំរាស់ចេញ រួចលើកកូន អោបរត់គេចចេញ ចំណែកជនសង្ស័យ ក៏រត់គេចខ្លួនបាត់ដែរ ។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
