(ភ្នំពេញ)៖ បុរសម្នាក់បើករថយន្ដស៊េរីមួយគ្រឿងម៉ាក RANGE ROVER ពាក់ស្លាកលេខភ្នំពេញ 2AA-8777 បុករបាំងដែកពុះចែក ទ្រូងផ្លូវបាក់អស់១៥ផ្ទាំង បណ្ដាលឱ្យរថយន្ដបែកធុងទឹក និងខ្ទេចផ្នែកខាងមុខ ព្យាយាមបើករត់ដល់ផ្សារបឹងកែងកង សម្រេចទុករថយន្ដ ចោលរត់គេចខ្លួនបាត់។
ហេតុការណ៍គ្រោះថ្នាក់ចរាចរណ៍នេះ កើតឡើងនៅយប់ឈានចូលថ្ងៃទី១១ ខែមិថុនា ឆ្នាំ២០១៦នេះ ស្ថិតតាមបណ្ដោយមហាវិថី ព្រះមុនីវង្ស ស្ថិតក្នុងសង្កាត់បឹងកែងកង២ ខណ្ឌចំការមន រាជធានីភ្នំពេញ។ ព័ត៌មានពីកន្លែងបានឱ្យដឹងថា មុនពេលកើតហេតុគេឃើញរថយន្ដស៊េរីមួយនេះ ពាក់ស្លាកលេខភ្នំពេញ 2AA-8777 បើកបរដោយបុរសម្នាក់ជាជនជាតិ លុះដល់ចំណុចកើតហេតុ បានបុករបាំងដែកពុះចែកទ្រូងផ្លូវបាក់អស់១៥ផ្ទាំង ពេញទំហឹងបណ្ដាលឱ្យ រថយន្ដបែកធុងទឹក ក្រោយមកបានបើករត់ដល់ផ្សារបឹងកែងកង ទើបទុករថយន្ដចោល រត់គេចខ្លួនបាត់។
រថយន្ដបង្កត្រូវបានសមត្ថកិច្ច ស្ទួចយកទៅរក្សាទុកនៅការិយាល័យចរាចរណ៍ក្រុងភ្នំពេញ ដើម្បីចាត់ការតាមនីតិវិធី៕
ប្រភព៖ Fresh News
ការកត់សម្គាល់ខ្មែរឡូត៖
គួរបញ្ជាក់ថា កាលពីម្សិលមិញដូចគ្នា ក៏មានបុរសជនជាតិចិនម្នាក់ បើករថយន្ដបុក ជនរងគ្រោះ ២នាក់ប្ដីប្រពន្ធរងរបួសធ្ងន់ ស្ថិតក្នុងខណ្ឌចំការមន ក្រោយមកបានបើករត់ ដល់ខណ្ឌដូនពេញ បានបុកបន្ដទៀត តែត្រូវប្រជាពលរដ្ឋឡោមព័ទ្ធ ចាប់បានវាយអ្នកបើកបរងរបួស និងរថយន្ដខ្ទេចទើប ប្រគល់ឱ្យសមត្ថកិច្ច។
ហេតុការណ៍គ្រោះថ្នាក់ចរាចរណ៍នេះ កើតឡើងនៅយប់ថ្ងៃទី១០ ខែមិថុនា ឆ្នាំ២០១៦ តាមមហាវិថីព្រះមុនីវង្ស ក្នុងសង្កាត់បឹងត្របែក ខណ្ឌចំការមន រាជធានីភ្នំពេញ។
ព័ត៌មានពីកន្លែងកើតហេតុបានឱ្យដឹងថា មុនពេលកើតហេតុគេឃើញរថយន្ដម៉ាក Fortuner ពាក់ស្លាកលេខភ្នំពេញ៖ 2Z-3000 បើកបរដោយបុរសជនជាតិចិនម្នាក់ លុះមកដល់ចំណុចកើតហេតុបានបុកម៉ូតូមួយគ្រឿងម៉ាក Honda Dream C125 ពាក់ស្លាកលេខ៖ ព្រៃវែង 2A-2424 បណ្ដាលឱ្យជនរងគ្រោះ ២នាក់ប្ដីប្រពន្ធរងរបួសធ្ងន់ ទើបជ្រុលទៅបុកទីតាំងលក់រថយន្ដនៅក្បែរនោះ ធ្វើខូចខាតរថយន្ដ២គ្រឿងដែរ។
ក្រោយពីបុកគេរួចមក រថយន្ដបង្កបានបើករត់ដល់ផ្សារកណ្ដាល ក្នុងខណ្ឌដូចពេញ ក៏បុកបន្ដទៀត ទើបប្រជាពលរដ្ឋនាំគ្នាឡោមព័ទ្ធដេញចាប់វាយរថយន្ដខ្ទេច និងអ្នកបើកបររងរបួសផងដែរ ទើបប្រគល់ឱ្យសមត្ថកិច្ច។ ក្រោយពេលកើតហេតុ រថយន្ដបង្ករួមទាំងអ្នកបើកបរ ត្រូវបានសមត្ថកិច្ចជំនាញយក ទៅការិយាល័យចរាចរណ៍រាជធាណីភ្នំពេញ ដើម្បីចាត់ការតាមនីតិវិធី៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
