(ភ្នំពេញ)៖ ពានរង្វាន់លីគកំពូលកម្ពុជា(C-League) ឆ្នាំ២០១៦ នឹងបញ្ចប់ការប្រកួតជើងទី១ នៅថ្ងៃទី១១-១២ ខែមិថុនាសប្ដាហ៍នេះហើយ ដោយមាន ៥ប្រកួតត្រូវប្រជែងគ្នាស្វែងរក ៣ពិន្ទុរៀងៗខ្លួន គ្រាដែលក្រុមក្រសួងការពារជាតិ និងបឹងកេតអង្គរ បន្ដតំណែងលំដាប់កំពូលតារាងដដែល ដោយមាន ២១ពិន្ទុស្មើគ្នា ជាមួយនឹងការប្រកួត ៨លើកឈ្នះ៧ និងចាញ់១ ។
សម្រាប់កម្មវិធីប្រកួតចុងសប្ដាហ៍នេះ រួមមាន៖ អគ្គស្នងការដ្ឋាននគរបាលជាតិ ប៉ះក្រុមវេស្ទើន ថ្ងៃទី១១ ខែមិថុនានេះ លើទីលានពហុកីឡដ្ឋាន ។ រីឯថ្ងៃទី១២ ខែមិថុនា មានក្រុមណាហ្គាវើល ប៉ះបឹងកេតអង្គរ និងក្រុម Cambodian Tiger ប៉ះក្រសួងការពារជាតិ លើទីលានពហុកីឡដ្ឋានជាតិ, ក្រុមព្រះខ័នរាជស្វាយរៀង បើទ្វារកីឡដ្ឋានខេត្តទទួលក្រុមអាស៊ីអឺរ៉ុប និងក្រុមភ្នំពេញក្រោន ប៉ះស៊ីម៉ាក់ លើទីលានកីឡដ្ឋាន RSN ។
ដោយឡែកចំណាត់ថ្នាក់បណ្ដោះអាសន្នគិតត្រឹមសប្ដាហ៍ទី៨ ពេលនេះក្រុមក្រសួងការពារជាតិ កំពុងឈរកំពូលតារាងជាមួយ ២១ពិន្ទុ ខណៈក្រុមបឹងកេត ឈរលេខ២ មាន ២១ពិន្ទុដូចគ្នា ។ រីឯក្រុមណាហ្គាវើល ឈរលេខ៣ ជាមួយ ១៤ពិន្ទុ, ក្រុមព្រះខ័នរាជស្វាយរៀង និងក្រុម Cambodian Tiger ឈរលេខ៤ និងលេខ៥ មាន ១៣ពិន្ទុស្មើគ្នា ។ រីឯក្រុមបាត់តារាង គឺមានក្រុមអគ្គស្នងការដ្ឋាននគរបាលជាតិ ឈរលេខ៩ មាន ៤ពិន្ទុ និងក្រុមវេស្ទើន ឈរលេខ១០ មាន ៣ពិន្ទុ ៕
ប្រភព៖ Khmertalking
កំណត់ហេតុខ្មែរឡូត៖ ទាក់ទងនឹងកីឡាបាល់ទាត់ជាតិនេះ គួររំលឹកផងដែរថា នារាត្រីថ្ងៃអង្គារ ទី០៧ ខែមិថុនា ឆ្នាំ២០១៦ កន្លងទៅថ្មីៗនេះ ក្រុមបាល់ទាត់ជម្រើសជាតិកម្ពុជា ពិតជាធ្វើបានល្អក្នុងទឹកដី នៃកីឡដ្ឋានជាតិអូឡាំពិក ដោយមិនធ្វើឲ្យអ្នកគាំទ្រ ជាង៦ម៉ឺននាក់ខកបំណងឡើយ តាមរយៈប្រកួតឈ្នះក្រុមភ្ញៀវឆាយនីសតៃប៉ិ (Chinese Taipei) ២-០ ក្នុងការប្រកួត ជើងទី២ ក្នុងវគ្គជម្រុះបឋម នៃពានរង្វាន់ប្រចាំទ្វីបអាស៊ី AFC Asian Cup 2019។
ក្រលេកមកមើលអ្នកស៊ុតបញ្ចូលទីវិញ គ្រាប់ទីមួួយធ្វើឡើងដោយកីឡាករ ហុង ផេង ក្នុងតង់ទីមួួយ គ្រាប់ទី២ ជាការស៊ុតបាល់ប៉េណាល់ទី របស់ ប្រាក់ មុន្នីឧត្តម ជាហេតុធ្វើឲ្យក្រុមជម្រើសជាតិកម្ពុជាឡើងទៅវគ្គបន្តនៃពានរង្វាន់ប្រចាំទ្វីបអាស៊ី AFC Asian Cup 2019។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]