(ភ្នំពេញ)៖ យ៉ាងហោចណាស់មានរថយន្តចំនួន៣គ្រឿង បានធ្លាក់ចូល ក្រោយពីមានហេតុការណ៍ស្រុតដី នៅជាប់របងស្តាតអូឡាំពិកប៉ែកខាងកើត ក្នុងខណ្ឌ៧មករា នាវេលាម៉ោងប្រមាណ២៖១០នាទីរសៀលថ្ងៃទី៨ ខែមិថុនា ឆ្នាំ២០១៦នេះបង្កឲ្យមានការភ្ញាក់ផ្អើលយ៉ាងខ្លាំង ដល់ប្រជាពលរដ្ឋ បានទៅចោមរោមមើល។
សេចក្តីរាយការណ៍ ពីកន្លែងកើតហេតុ បានឲ្យដឹងថា រថយន្តចំនួន៣គ្រឿង ដែលម្ចាស់ចតចោល នៅជាប់របងការដ្ឋានសំណង់ បានធ្លាក់ចូល ក្រោយពេលមានភ្លៀងធ្លាក់មួយមេធំ នៅរសៀលថ្ងៃនេះ តែមិនមានព័ត៌មាន ពីគ្រោះថ្នាក់ដល់ មនុស្សនោះទេ។ នៅពេលនេះកម្លាំងសមត្ថកិច្ចជាច្រើននាក់ បានចុះទៅជួយអន្តរាគមន៍៕
ប្រភព៖ Fresh News
កំណត់ហេតុខ្មែរឡូត៖ គួររំលឹកផងដែរថា ទាក់ទងនឹងភ្លៀងបោកបក់ខ្លាំងនេះ កាលពីថ្ងៃទី៣ មិថុនា ២០១៦ តំបន់ផ្សារវាលរេញ និងចិញ្ចើមផ្លូវជាតិលេខ៤នៅក្បែនោះ ស្ថិតក្នុងឃុំវាលរេញ ស្រុកព្រៃនប់ បានរងនូវការជន់លិចបន្ទាប់ពីមានភ្លៀងធ្លាក់ខ្លាំង។
មន្ត្រីសាលាស្រុកព្រៃនប់ក៏បានចុះទៅកាន់តំបន់ផ្សារវាលរេញភ្លាមៗ ដើម្បីរកវិធីជួយប្រជាពលរដ្ឋក្នុងពេលដែលតំបន់ផ្សារវាលរេញទាំងមូលនិងចិញ្ចើមផ្លូវជាតិលេខ៤ នៅក្បែនោះ បានរងនូវការជន់លិចដោយទឹកភ្លៀង ។
ក្រុមអ្នកលក់ដូរក្នុងផ្សារវាលរេញនិយាយថា ទំនិញមួយចំនួនដែលដាក់លក់ផ្ទាល់ដីបានរងការខូចខាតខ្លះដែរ ដោយសារតែជញ្ជូនចេញមិនទាន់ ហើយចរន្តអគ្គិសនីក៏បានកាត់ផ្តាច់ជាបណ្តោះអាសន្នដែរ ដើម្បីការពារការឆ្លងចរន្តបង្កគ្រោះថ្នាក់ជាយថាហេតុ ។
បើតាមមន្ត្រីសាលាស្រុកព្រៃនប់អះអាងថា ការជន់លិចនេះបណ្តាលមកពីប្រពន្ធ័លូបង្ហូរទឹកកកស្ទះដោយសំរាម បូករួមនឹងភ្លៀងធ្លាក់យ៉ាងគំហុកផង ប៉ុន្តែជំនន់ទឹកភ្លៀងនេះនឹងស្រកវិញនៅក្រោយពេលរាំងភ្លៀង ។
ជាមួយគ្នានេះ មន្ត្រីរដ្ឋបាលស្រុកព្រៃនប់ក៏បានដាក់កម្លាំងសមត្ថកិច្ចជួយបញ្ជាចរាចរណ៍នៅផ្លូវជាតិមុខផ្សារដែលមានទឹកជន់លិចខ្លាំងផងដែរ ដើម្បីការពារកុំឲ្យយានយន្តផ្សេងៗបើកបរលឿន នាំឲ្យកើតមានគ្រោះថ្នាក់ជាយថាហេតុណាមួយ ។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]