(ភ្នំពេញ)៖ តារា Facebook ដែលពូកែតុបតែងខ្លួនបែបប្លែកៗ ខុសពីគេ រហូតល្បីល្បាញពេញផ្ទៃប្រទេស និងហូរហៀភាពល្បីល្បាញដល់ក្រៅប្រទេសទៀតនោះ នាង រំដួលលិចទឹក ត្រូវបានមហាជន កោតសរសើរ ពីភាពប៉ិនប្រសប់របស់នាងថា ចេះច្នៃប្រឌិត ថែមទាំងពូកែថែរក្សាវប្បធម៌ ប្រពៃណីជាតិឲ្យគង់វង្សទៀតផង។ ថ្មីៗនេះ តារា Facebook នាងរំដួលលិចទឹក បានជួបរឿងស៊យធំមួយ ដែលមិននឹកស្មានដល់ ដោយនាងត្រូវចោរឆក់ កាបូប ត្រូវបាត់បង់ទ្រព្យសម្បត្តិ ដែលនៅក្នុងនោះជាច្រើន។
អ្នកចូលចិត្តលេងបណ្ដាញសង្គម Facebook តែងកត់សម្គាល់ឃើញថា នាងរំដួលលិចទឹក ថ្វីត្បិតតែល្បីល្បាញខាងគំនិតច្នៃប្រឌិត ម៉ូដប្លែកៗ ដើម្បីថតរូប រកភាពទាពទាក់ទាញ តែនាងមិនមែនជាមនុស្ស មានទ្រព្យបបូរណ៍ហូរហៀ ដូចតារាដទៃឡើយ ។ តារាភេទទី៣រូបនេះ ប្រឹងប្រែងធ្វើការសន្សំប្រាក់ យ៉ាងលំបាកតាមជំនាញផាត់មុខរបស់នាង ។
ប៉ុន្តែរឿងមិនគួរកើត វាបានកើតឡើងចំពោះនាង ទាំងមិនបានប្រុងប្រៀបទុកមុន ដោយប្រភពពីសាច់ញាតិរបស់នាង បាននិយាយថា រំដួលលិចទឹក ត្រូវបានចោរឆក់កាបូប ត្រូវបាត់បង់លុយកាក់ បូករួមទាំងទ្រព្យសម្បតិ្ត ជាច្រើនផ្សេងទៀត ។
ប្រភពដដែលបានបន្តថា រំដួលលិចទឹក មានកម្មវិធីត្រូវចេញក្រៅ នៅម៉ោងប្រមានជាង៨យប់ ខណៈផ្លូវចូលទៅផ្ទះរបស់នាងមានសភាពស្ងាត់ ពេលនោះ នាងដើរចេញមក ក៏ត្រូវចោរឆក់តែម្ដង ហើយរបស់របរជាច្រើន ដែលសុទ្ធសឹងជាញើសឈាម បានមកយ៉ាងលំបាក ក៏ត្រូវបាត់បង និងមានអារម្មណ៍សោកស្ដាយជាខ្លាំង ព្រោះនេះ មកពីនាងខ្វះភាពប្រុងប្រយ័ត្ន ចំពោះសុវត្ថិភាពទ្រព្យសម្បត្តិនាង ។
កន្លងមក គេសង្កេតឃើញថា មានអ្នកសិល្បៈជាច្រើន បានបាត់បង់ទ្រព្យសម្បត្តិ ដូចជា នាង ពេជ្រ អាវីហ្សា ត្រូវចោរលួចឡាន, នាង កែវ ពេជ្រពិសី ចោរឆក់កាបូប ដែលចោរមិនបានស្គាល់ថា សិល្បៈឬមិនសិល្បៈទេ ឲ្យតែធ្វេសប្រហែស គឺត្រូវលួចទាំងអស់៕
ប្រភព៖ Khmertalking
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
