ឥណ្ឌា៖ សត្វគោមួយក្បាល បានបង្ហាញពី ភាពក្លាហានរបស់វា ដោយរត់ចូលទៅជល់ ជនដៃដល់ ២នាក់ ដែលកំពុងតែ យកកាំបិតចាក់ក្មេងស្រីម្នាក់ យ៉ាងចាស់ដៃ។
យោងតាមប្រភពព័ត៌មាន បានឲ្យដឹងថា ក្មេងស្រីរងគ្រោះ មានឈ្មោះថា Seema Gujjar ត្រូវបានជនដៃដល់ ២នាក់ ចាក់ជាច្រើនកាំបិត។ ហេតុការណ៍នេះ បានកើតឡើងនៅក្នុងទីក្រុង Gwalior ប្រទេសឥណ្ឌា ដោយគេជឿជាក់ថា ការចាក់សម្លាប់ក្មេងស្រីរងគ្រោះ ផ្តើមចេញពីគោលបំណងរក្សាកិត្តិយស និងសេចក្តីថ្លៃថ្នូរ (ដោយសារនាង បានធ្វើខុស នឹងក្រមសីលធម៌សង្គម ឬសហគមន៍) ដែលតែងត្រូវបានអនុវត្តដោយប្រជាជនក្នុងតំបន់។
បើយោងតាមវីដេអូឃ្លីបរយៈពេល ២៦វិនាទី ឲ្យយើងឃើញនូវទិដ្ឋភាពពេលកើតហេតុ។ ពេលនោះ សត្វគោមួយក្បាល បានចោលចូលទៅបុកគាស់ជនដៃដល់ ខណៈវាហាក់បីដូចជាខឹងក្រោធយ៉ាងខ្លាំង ក្រោយពីវាឃើញជនដៃដល់ ២នាក់នោះ កំពុងតែយកកាំបិត ចាក់សម្លាប់ក្មេងស្រីរងគ្រោះ យ៉ាងព្រៃផ្សៃ។
ក្រោយពីមានភាពចលាចល ទាំងមនុស្ស ទាំងសត្វគោ ក្មេងស្រីរងគ្រោះ បានរត់គេចខ្លួន ចេញពីកន្លែងកើតហេតុ ប៉ុន្តែដោយសារតែ រងរបួសធ្ងន់ធ្ងរពេក ក្រោយមកក៏បានស្លាប់បាត់បង់ជីវិតតែម្តង។
ប្រភពព័ត៌មានឲ្យដឹងថា ជនដៃដល់ទាំង២នាក់ ដែលជាប់ពាក់ព័ន្ធនៅក្នុងការចាក់សម្លាប់នារីរងគ្រោះ មានដូចជា ឪពុកបង្កើតឈ្មោះ Kalyan Singh និងពូ ឈ្មោះ Lakhan Singh។ ចំពោះមូលហេតុ ទំនងជាជនដៃដល់ ខឹងសម្បានឹងនារីរងគ្រោះ ដែលធ្វើឲ្យពួកខ្លួនអាម៉ាសមុខ ដោយហ៊ានរត់តាមបុរសវ័យក្មេងម្នាក់ អាយុ២២ឆ្នាំ ដែលគេស្គាល់ឈ្មោះត្រឹម Sonu ប៉ុណ្ណោះ។
បើតាមសម្តីប៉ូលិស បានប្រាប់ឲ្យដឹងដែរថា ជនដៃដល់ម្នាក់ ក្នុងចំណោមនោះ បានរងរបួស ដោយសារសត្វគោដ៏ក្លាហាននោះ។ យ៉ាងណាមិញ ជនឈ្មោះ Sonu ក៏ត្រូវបានប៉ូលិសឃាត់ខ្លួន និងចោទប្រកាន់ ពីបទមានទំនាក់ទំនងស្នេហា ជាមួយនឹងអនីតិជន ផងដែរ៕
សូមទស្សនាវីដេអូខាងក្រោមទាំងអស់គ្នា៖
ប្រភព៖ បរទេស
កំណត់ហេតុខ្មែរឡូត
គួររំលឹកផងដែរថា កាលពីពេលថ្មីៗកន្លងទៅនេះ មេគោផើមមួយក្បាលចុះផឹកទឹកស្រះ ឃើញសាកសពក្មេងប្រុសម្នាក់អណ្តែត ក៍រត់ដួលរត់ដួលរហូតទាល់តែងាប់កូនក្នុងពោះ ។
ហេតុការណ៍ដ៍កម្រឃើញនិងជួបនេះ បានបង្កឲ្យមានការភ្ញាក់ផ្អើលកាលពីវេលាម៉ោងជិត៦ព្រឹកថ្ងៃទី២៧ មីនា ២០១៦ ស្ថិតនៅចំណុចស្រះទឹកខាងជើងវត្តជុំ ភូមិ-សង្កាត់គោករកា ខណ្ឌព្រែកព្នៅ ។
បើតាមអ្នកឆ្លើយឆ្លងព័ត៌មានកោះសន្តិភាពបានបញ្ជាក់ឲ្យដឹងទៀតថា សពកុមារាលង់ទឹកស្លាប់នោះ ឈ្មោះឃឹន ប្រុសណុច អាយុ១២ឆ្នាំ រៀនថ្នាក់ទី៥នៃសាលាបឋមសិក្សាគោករកា មានឪពុកឈ្មោះសយ ផានិត អាយុ៤៦ឆ្នាំ មុខរបររត់ម៉ូតូឌុប និងម្តាយឈ្មោះប៊ុត ប៊ុនណា អាយុ៤៩ឆ្នាំ មុខរបរអនាម័យ ។
បើតាមលោក សយ ផានិត បានរៀបរាប់ឲ្យដឹងថា កូនប្រុសរបស់គាត់បានបាត់ខ្លួនតាំងពីវេលាថ្ងៃត្រង់ថ្ងៃទី២៤ មីនាមកម្ល៉េះ មិនដឹងជាដើរទៅណា ហើយសួរនាំអ្នកជិតខាងនិងមិត្តភក្តិវា ក៍ថាមិនដឹងនិងបានដើររកគ្រប់ច្រកល្ហកក៍មិនឃើញទៀត ។
លុះព្រឹកព្រលឹមថ្ងៃទី២៧មីនា គាត់ក៍បានទៅអើតមើលស្រះទឹកខាងលើដែលកូនគាត់ធ្លាប់ទៅលេងទីនោះ ស្រាប់តែឃើញសពកូនប្រុសគាត់អណ្តែតធ្វើឲ្យគាត់យំក្តុកក្តួលនិងបានទៅហៅសាច់ញាតិមកស្រង់ តែអ្វីដែលជាការកត់សម្គាល់អំឡុងពេលស្រង់សពកូនគាត់នោះ មានមេគោផើមមួយក្បាលក៍ដើរចុះទៅផឹកទឹកស្រះហើយឃើញសពកូនគាត់ ក៍ផ្អើលរត់ដួលៗបោកផ្ទប់មាត់ស្រះបណ្តាលឲ្យបាក់ជើង និងដាច់ទងសុកងាប់កូនក្នុងពោះ ។ ក្រោយមក គោនោះត្រូវម្ចាស់លក់ឲ្យឈ្មួញក្នុងតម្លៃ១លានរៀល ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក ប្លែកៗ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
