(កណ្តាល)៖ សមត្ថកិច្ចបានបញ្ជាក់ប្រាប់ភ្នាក់ងារ Fresh News ឱ្យដឹងនៅមុននេះថា រហូតដល់ពេលនេះ អគ្គិភ័យ ដែលឆេះផ្ទះប្រជាពលរដ្ឋ នៅក្រុងតាខ្មៅ បានរលត់ទាំងស្រុងហើយ បន្ទាប់ពីមានការអន្តរាគមន៍ដោយក្រុមភ្នាក់ងារពន្លត់អគ្គីភ័យ ។
សមត្ថកិច្ចក្រុងតាខ្មៅ បាននិយាយថា អគ្គិភ័យនេះ បានធ្វើឲ្យឆេះឡានព្រុសមួយគ្រឿង បង្កការខូចខាតទ្រព្យសម្បត្តិមួយចំនួន ហើយក៏បានបណ្តាលឱ្យបុរសម្នាក់ រងរបួសផងដែរ។
សូមបញ្ជាក់ថា អគ្គិភ័យខាងនេះ បានឆាបឆេះផ្ទះប្រជាពលរដ្ឋតាំងពីម៉ោង៥ល្ងាចថ្ងៃទី០៤ ខែឧសភា ឆ្នាំ២០១៦នេះ នៅក្រុងតាខ្មៅ ខេត្តកណ្តាល។ ទោះជាយ៉ាងណា សមត្ថកិច្ចនឹងបង្ហាញរបាយការណ៍លម្អិតនៅពេលក្រោយ៕
ប្រភព៖ Fresh News
គួរឲ្យដឹងថា៖
ហេតុការណ៍ឆាបឆេះដ៏សន្ធោសន្ធៅនេះ ក៏ធ្លាប់បានកើតឡើងកាលពីយប់ ថ្ងៃទី ១៤ ខែមេសា ឆ្នាំ២០១៦ នៅចាក់អង្រែលើ ដែលបានបំផ្លាញផ្ទះប្រជាពលរដ្ឋ អស់៥០ខ្នង។
នេះបើតាមអាជ្ញាធរមូលដ្ឋាន បានអោយដឹងថា អគ្គិភ័យបានរលត់ទាំងស្រុង នៅម៉ោង ១១៖៤០នាទី ពោលក្រុមពន្លត់បានប្រើប្រាស់ រយៈពេល៣ម៉ោងក្នុងការបាញ់ពន្លត់ ដោយប្រើប្រាស់រថយន្តចំនួន២៦គ្រឿង បាញ់ទឹកពន្លត់អស់ ៥២រថយន្ត ហើយក្នុងហេតុការណ៍នេះ ពុំបណ្តាលអោយប្រជាពលរដ្ឋណា ម្នាក់ស្លាប់នោះទេ។
អាជ្ញាធរមូលដ្ឋានបានបញ្ជាក់ថា ផ្ទះចំនួន៥០ខ្នង បានត្រូវបំផ្លាញ ក្នុងនោះ ១៩ខ្នងស្ថិតនៅក្នុងភូមិព្រែកតាគង់ និង៣១ខ្នងទៀត ស្ថិតនៅភូមិព្រែកតានូ។ ដោយឡែកចំពោះមូលហេតុ នៃការឆាបឆេះវិញ នៅមិនទាន់ត្រូវបានបញ្ជាក់នៅឡើយទេ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]