ខេត្តបន្ទាយមានជ័យ ៖ បុរសចំណាស់ល្បិចខ្ពស់គំនិតថោកម្នាក់បានប្រើកលល្បិចល្បួងលួងលោមក្មេងស្រីអាយុ១៤ឆ្នាំ ម្នាក់យកទៅរំលោភក្នុងគម្ពោតព្រៃក្បែរមាត់បឹង ដោយអះអាងថា នាំទៅចូលរូប ដើម្បីយកកំណប់ដែលក្មេងស្រីនោះមានពីអតីតជាតិ ត្រូវបានកម្លាំងនគរបាលស្រុកមង្គលបូរី ចាប់ឃាត់ខ្លួនបញ្ជូនទៅស្នងការដ្ឋាននគរបាលខេត្តបន្ទាយមានជ័យ។ បន្ទាប់ពីទទួលពាក្យបណ្តឹងពីម្តាយក្មេងស្រីរងគ្រោះ និងតាមបញ្ជារបស់ព្រះរាជអាជ្ញារងអមសាលាដំបូងខេត្ត កាលពីវេលាម៉ោង១រសៀលថ្ងៃទី២១ កុម្ភៈ ២០១២ នៅចំណុចវាលស្រែខាងត្បូងភូមិព្រះអង្គ សង្កាត់កោះពងសត្វ ក្រុងសិរីសោភ័ណ ។
លោកវរសេនីយ៍ត្រី យ៉ត សុផល អធិការនគរបាលស្រុកមង្គលបូរី បានប្រាប់ឲ្យដឹងថា បុរសល្មោភកាមនេះឈ្មោះនិត ថន អាយុ៥៨ឆ្នាំ រស់នៅភូមិគោក ឃុំគោក ស្រុកបវេល ខេត្តបាត់ដំបង ជាគ្រូថ្នាំផ្សំថ្នាំបុរាណ ។ លោកអធិការបានបន្តថា តាមការរៀបរាប់ពីក្មេងស្រីរងគ្រោះបានប្រាប់ឱ្យដឹងថា ជារៀងរាល់ថ្ងៃនាងតែងតែឈឺក្បាល ហើយម្តាយបានទៅទិញថ្នាំខ្មែរពីតាតណ្ហាក្រាសនេះ យកមកស្ងោរផឹក ដោយជានិច្ចកាលតានេះតែងទូរស័ព្ទមកសួរម្តាយពីជំងឺរបស់នាង ។ លុះនៅថ្ងៃកើតហេតុជនសង្ស័យបានទូរស័ព្ទមក តែម្តាយមិននៅក៏ត្រូវនាងលើកទទួល ស្រាប់តែជនសង្ស័យបាននិយាយណាត់នាងឲ្យទៅជួបនៅផ្លូវកែង ក្នុងភូមិព្រះស្រែ ដើម្បីទៅចូលរូបយកកំណប់ ព្រោះនាងមានកំណប់ទ្រព្យពីអតីតជាតិកប់ទុកនៅនឹងដំបូកមួយកន្លែង ។
ប្រភពព័ត៌មានឱ្យដឹងទៀតថា ខណៈទៅដល់ដំបូកមួយគាត់និយាយថា នៅកន្លែងនោះ មានមនុស្សច្រូតស្រូវចូលរូបមិនកើតទេ ការដែលចូលរូបយកកំណប់នេះ លុះត្រាតែកន្លែងស្ងាត់ ទើបចូលរូបកើត និងបានប្រាប់ពីកន្លែងកប់កំណប់ ប៉ុន្តែពេលទៅដល់កន្លែងស្ងាត់គាត់ចាប់រំលោភសេពសន្ថវៈតែម្តង ដោយមានទំនុកចិត្តលើគាត់ថា នឹងបានកំណប់ទើបនាងមិនហ៊ានស្រែក ៕
ដោយ ៖ ប្រុសកោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]