រាជធានីភ្នំពេញ ៖ នៅវេលាម៉ោង១១យប់ថ្ងៃទី២៧ ខែមេសា ឆ្នាំ២០១៤ ម្តុំខ្លោងទ្វារវត្តនាគវន្ត ស្ថិតក្នុងសង្កាត់បឹងកក់២ ខណ្ឌទួលគោក ។ មានករណីប្លន់យកម៉ូតូ MSX បានសម្រេចដោយសុវត្ថិភាព ។ ប្រភពពីជនរងគ្រោះបានបញ្ជាក់ថា រូបគេជាជនរងគ្រោះបានជិះម៉ូតូធ្វើដំណើរ បម្រុងទៅផ្ទះម្ដុំចំការមន តែឆៀងចូលម្តុំវត្តនាគវន្តបន្តិច ពេលនោះស្រាប់តែលេចមុខជនសង្ស័យមានគ្នា៤នាក់ ជិះម៉ូតូ២គ្រឿង បានជិះស្ទាក់ពីមុខម៉ូតូរបស់ខ្លួន ហើយដកកាំបិតប៉័ងតោកាប់រូបគេផ្ទួនៗត្រូវដៃឆ្វេងរងរបួសធ្ងន់ ។
ពេលនោះគេភ័យខ្លាំងពេកក៏ផ្ដួលម៉ូតូ ហើយរត់ដើម្បីគេចខ្លួនដើម្បីសុវត្ថិភាព។ ឃើញឳកាសល្អជនសង្ស័យម្នាក់ក្នុងចំណោមបក្ខពួក៤នាក់ បានរត់ទៅលើកម៉ូតូជិះគេចខ្លួនដោយសុវត្ថិភាព ។ ក្រោយពេលកើតហេតុជនរងគ្រោះត្រូវបានបញ្ជូនទៅកាន់មន្ទីរពេទ្យព្រះកុសម ហើយបានទៅដាក់ពាក្យបណ្ដឹងនៅប៉ុស្ដិ៍នគរបាលសង្កាត់បឹងកក់២ ដើម្បីស្រាវជ្រាវស្វែងរកចាប់ខ្លួនជនសង្ស័យដែលប្លន់យកម៉ូតូរបស់ខ្លួនមកចាត់ការតាមផ្លូវច្បាប់ ៕
ប្រភព៖ កោះសន្តិភាព
កំណត់ហេតុខ្មែរឡូត៖
ស្រដៀងនឹងករណីខាងលើ កាលពីពេលកន្លងទៅធ្លាប់មានករណី កាប់ប្លន់យក ម៉ូតូសង់២០១៦ មួយគ្រឿង នៅខណ្ឌចំការមន។
ក្រុមចោរប្រមាណ១០នាក់ ប្រដាប់ដោយដាវសាំម៉ូរៃ ធ្វើការកាប់ប្រហារ ទៅលើក្រុមយុវជន ដែលមានគ្នា៤នាក់ បណ្តាលឲ្យរងរបួសម្នាក់ ប្លន់យកម៉ូតូសង់ ២០១៦ ពណ៌ខ្មៅ មួយគ្រឿង គ្មានស្លាកលេខ តាមបណ្តោយផ្លូវ ព្រះសីហនុ ស្ថិតក្នុងសង្កាត់ បឹងកេងកងទី១ ខណ្ឌចំការមន នាម៉ោង ៣ទៀបភ្លឺថ្ងៃទី០១ ខែមេសាឆ្នាំ២០១៦នេះ។
ជនរងគ្រោះ មានឈ្មោះ មឿន សុខៈ ស្នាក់នៅម្តុំផ្សារសឡា ស្ថិតក្នុងសង្កាត់ទឹកថ្លា ខណ្ឌសែនសុខ ហើយត្រូវបានមិត្តភក្តិ ដឹកយកទៅ សង្គ្រោះនៅមន្ទីរពេទ្យ។ បើតាមមិត្តភក្តិ របស់ជនរគ្រោះ ដែលឋិតនៅក្នុងហេតុការណ៌ កាប់ប្លន់នោះបាននិយាយថា ខ្លួននិងមិត្តភ័ក្រ ៣នាក់ទៀត មានទាំងជនរងគ្រោះ ផងនោះ ជិះម៉ូតូ២គ្រឿង ចេញពីហូបបបរ នៅម្តុំផ្សារដើមគរ ក្នុងបំណងទៅលេងនៅ ម្តុំមាត់ទន្លេ ដោយជិះតាមផ្លូវព្រះសីហនុ លុះជិះដល់ កន្លែងកើតហេតុ ក៏លេចមុខជនល្មើស ជាង១០នាក់ ជិះម៉ូតូ ៦គ្រឿង ប្រដាប់ដោយដាវសាំម៉ូរ៉ៃ បានធ្វើការកាប់ប្រហារ ជាច្រើនដាវ មកលើជនរងគ្រោះ បណ្តាលឲ្យរងរបួសធ្ងន់ធ្ងរ ។
ខណៈក្រុមជនរងគ្រោះ រត់យករួចខ្លួននោះ ក្រុមជនល្មើសក៏លើក យកម៉ូតូ ជនរងគ្រោះជិះគេច ចេញពី ន្លែងកើតហេតុ ដោយសុវត្ថិភាព មិនបានរំខាន ដល់នគរបាលប៉ុស្តិ៍ បឹងកេងកង១ និងនគរបាលខណ្ឌចំការមន ដែលមានលោក យិន សាន ជាអធិការខណ្ឌ ឈឺក្បាលនោះទេ ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
