ខេត្តកណ្ដាល ៖ ហេតុការណ៍មួយគឺផ្ដើមចេញពីស្នេហាត្រីកោណ បុរសម្នាក់ដោយឃើញយុវជនម្នាក់ទៀតឌុបស្រីស្នេហ៍របស់ខ្លួនទប់ចិត្តមិនបាន ក៏ហៅប្អូនប្រុសមកជួយស្ទាក់ផ្លូវវាយ បណ្ដាលឱ្យយុវជនដែលកំពុងដឹកនារីនោះរងរបួសរហូតសន្លប់ កាលពីវេលាម៉ោង០៥ល្ងាច ថ្ងៃទី១៧ មេសា នៅចំណុចតាមផ្លូវក្នុងភូមិកំពង់សំណាញ់១ សង្កាត់កំពង់សំណាញ់ ក្រុងតាខ្មៅ ។
ក្រោយពីកើតហេតុ ជនសង្ស័យ២នាក់បងប្អូនបានគេចខ្លួន រហូតដល់រសៀលថ្ងៃទី១៩ មេសា ត្រូវបាននគរបាលតាមចាប់ខ្លួនបានម្នាក់ ។ មន្ត្រីនគរបាលក្រុងតាខ្មៅឱ្យដឹងថា ជនសង្ស័យដែលឃាត់ខ្លួននេះឈ្មោះប៊ុនលី ចាន់ថា ភេទប្រុស អាយុ១៨ឆ្នាំ មានទីលំនៅភូមិក្របៅ សង្កាត់កំពង់សំណាញ់ ក្រុងតាខ្មៅ និងម្នាក់ទៀតបានគេចខ្លួនឈ្មោះប៊ុនលី ផល្លា ភេទប្រុស អាយុ២៣ឆ្នាំ ជាកម្មកររោងចក្រ មានទីលំនៅភូមិសង្កាត់ជាមួយគ្នា និងត្រូវជាបងប្អូនបង្កើត ។ ចំណែកជនរងគ្រោះឈ្មោះចាន់ សំណាង ភេទប្រុស អាយុ១៧ឆ្នាំ មានទីលំនៅភូមិព្រែកកាត់ សង្កាត់តាក្តុល ក្រុងតាខ្មៅ ។
ប្រភពបន្តថា មុនពេលកើតហេតុ ជនរងគ្រោះនិងជនសង្ស័យបានស្រឡាញ់នារីម្នាក់ឈ្មោះស្រីណា អាយុ១៨ឆ្នាំ ជាសិស្ស ។ លុះវេលាកើតហេតុ ជនឈ្មោះប៊ុនលី ផល្លា បានឃើញជនរងគ្រោះកំពុងជិះម៉ូតូឌុបនារីនោះតាមផ្លូវ បន្ទាប់មកក៏បានហៅប្អូនប្រុសរបស់ខ្លួនម្នាក់ឈ្មោះប៊ុនលី ចាន់ថា និងយកដែកទីបជ្រុងប្រវែងកន្លះម៉ែត្រយកទៅនាំគ្នាវាយលើជនរងគ្រោះចំក្បាល និងដងខ្លួន បណ្តាលឱ្យមានរបួសស្នាមសន្លប់ដេកនៅលើថ្នល់តែម្តង បន្ទាប់មកក៏ត្រូវបងប្អូនដឹកយកទៅព្យាបាលរបួស នៅមន្ទីរពេទ្យជ័យជំនះ ។
រហូតមកដល់រសៀលថ្ងៃទី១៩ កម្លាំងប៉ុស្តិ៍កំពង់សំណាញ់ សហការជាមួយផ្នែកជំនាញព្រហ្មទណ្ឌក្រុងតាខ្មៅ បានឃាត់ខ្លួនជនសង្ស័យម្នាក់ឈ្មោះប៊ុនលី ចាន់ថា យកមកសាកសួរ ហើយបានសារភាពថា ខ្លួននិងបងប្រុសពិតជាបាននាំគ្នា យកដែកទីបជ្រុងប្រវែងកន្លះម៉ែត្រ វាយទៅលើជនរងគ្រោះប្រាកដមែន ។
ផ្តល់សិទ្ធដោយ កោះសន្តិភាព
កំណត់ហេតុខ្មែរឡូត៖
ជាក់ស្តែងកាលពីឆ្នាំ២០១៤កន្លងទៅ ធ្លាប់មានករណី យុវវ័យមួយក្រុម ត្រូវជន សង្ស័យ មួយក្រុមទៀត ជិះម៉ូតូ មកស្ទាក់វាយ ដោយមិនដឹង មូលហេតុ។
យុវវ័យមួយក្រុម កំពុងជិះម៉ូតូតាមផ្លូវ ត្រូវបានជនសង្ស័យ មួយក្រុម បានជិះម៉ូតូ មកដេញវាយ ដោយមិនដឹង មូលហេតុ បណ្តាលឱ្យ រងរបួស និងមានការ ច្រំឡំម៉ូតូគ្នា ជិះទៀតផង ។ ហេតុការណ៍នេះ កើតឡើង នៅវេលា ម៉ោង៣ និង៣០នាទី ទៀបភ្លឺ ឈានចូល ថ្ងៃទី ២៣ កក្កដា ២០១៤ នៅមុខក្រុមហ៊ុន CellCard តាមបណ្តោយ ផ្លូវព្រះមុនីវង្ស ស្ថិតក្នុង សង្កាត់ចតុមុខ ខណ្ឌដូនពេញ។
ប្រភពព័ត៌មាន ពីកន្លែងកើតហេតុ បានឱ្យដឹងថា នៅមុនពេល កើតហេតុ ក្រុមជនរងគ្រោះ បានទៅអង្គុយលេង នៅមុខសណ្ឋាគារ ណាហ្កាវើល ហើយនាំគ្នា ទិញខ្ចៅ យកមកចាក់ញាំ និងជជែកគ្នា លេងយ៉ាងសប្បាយ បន្ទាប់មក ក៏បានជិះម៉ូតូ ត្រឡប់ទៅផ្ទះវិញ ដោយធ្វើដំណើរ តាមម៉ូតូ៣គ្រឿង មានស្តេប FZ និង ហុងដាឌ្រីម សេ១២៥ ស៊េរីឆ្នាំ ២០១៣ តាមផ្លូវព្រះមុនីវង្ស ស្រាប់តែមកដល់ ចំណុចកើតហេតុ ក៏មានមនុស្ស ប្រុសមួយក្រុម ជិះម៉ូតូហុងដាឌ្រីម សេ១២៥ ស៊េរីឆ្នាំ ២០១៤ម៉ូតូ ស៊ុយស៊ូគីនិច ដោយនៅក្នុងដៃ ប្រដាប់ទៅ ដោយខ្សែក្រវ៉ាត់ និងដុំថ្ម បានចុះពីលើម៉ូតូ មកដេញវាយ ទៅលើក្រុម ជនរងគ្រោះ ដែលមាន នារីម្នាក់ផង។
ពេលនោះក៏មាន ការតដៃគ្នា ទៅវិញទៅមក រហូតបណ្តាល ក្រុមជនរងគ្រោះ របួសស្រាល ហើយក្រុមជនសង្ស័យ ក៏បានឡើង ជិះម៉ូតូដើម្បី ជិះរត់ ស្រាប់តែច្រលឡំ ឡើងជិះម៉ូតូ របស់ជនរងគ្រោះ ម៉ាកហុងដាឌ្រីម សេ១២៥ ស៊េរីឆ្នាំ២០១៣ ទៅវិញដោយ បន្សល់ទុក ម៉ូតូរបស់ខ្លួន ម៉ាកហុងដាឌ្រីម សេ១២៥ ស៊េរីឆ្នាំ ២០១៤ នៅនឹងកន្លែង កើតហេតុ ជាមួយនឹង ខ្សែក្រវ៉ាត់ និងដុំថ្ម៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
