ចិន៖ គួរឲ្យអាណិតក្មេងស្រីតូច អាយុទើបតែ១ឆ្នាំម្នាក់ ត្រូវបានជណ្តើរយន្តលេបត្របាក់ដាច់ម្រាមដៃ ដោយសារតែក្មេងស្រីរូបនោះ ដួល ពេលព្យាយាមរត់ឡើង លើជណ្តើរយន្ត ខណៈពេលជណ្តើរយន្ត ស្ថិតក្នុងទិសចុះក្រោមដែលបញ្ច្រាស់គ្នា។
បើតាមសេចក្តីរាយការណ៍បានឲ្យដឹងដែរថា ហេតុការណ៍ខាងលើនេះ កើតឡើងក្នុងផ្សារទំនើបមួយកន្លែង ក្នុងទីក្រុងប៉េកាំង ប្រទេសចិន។ កុមារីអាយុទើបបាន១ខួប ចេះដើរតេសតាសម្នាក់ បានដួលពីលើជណ្តើរយន្ត បណ្តាលឲ្យគៀបដាច់ម្រាមដៃតែម្តង។
យ៉ាងណាមិញ បើតាមការត្រួតពិនិត្យមើល វីដេអូឃ្លីបដែលថតបានដោយកាម៉េរាសុវត្ថិភាព ក្នុងផ្សារទំនើបនោះវិញ វាមិនពិតដូចអ្វីដែលគេនិយាយឡើយ។ បើតាមសម្តីរបស់ជីតារបស់ក្មេងស្រីរងគ្រោះ បានឲ្យដឹងថា ដំបូងនាងបានចុះពីលើជណ្តើរយន្តដោយសុវត្ថិភាពហើយ ប៉ុន្តែក្រោយមក នាងក៏បានរត់ត្រឡប់ឡើងជិះជណ្តើរយន្តឡើងលើវិញ ទើបបណ្តាលឲ្យនាង ដួលច្រត់ដៃទៅមុខ គាបជណ្តើរយន្តដាច់ដៃតែម្តង ហើយរូបគាត់ក៏បានស្ទុះទៅលើកចៅ ជាមួយឈាមស្រក់ផងដែរ។
ក្មេងស្រីរងគ្រោះ ត្រូវបានប្រញាប់ប្រញាល់ បញ្ជូនទៅសង្រ្គោះនៅមន្ទីរពេទ្យ ខណៈដែលក្រុមជួយសង្គ្រោះ បានចំណាយពេល ជាងមួយម៉ោង ដើម្បីរុះរើជណ្តើរយន្តយកម្រាមដៃរបស់នាងមកវិញ។ ចំណែកក្រុមគ្រូពេទ្យមានប្រសាសន៍ថា វាត្រូវចំណាយពេលយ៉ាងហោចណាស់ពី ៦ ទៅ១០ម៉ោង ដើម្បីធ្វើការវះកាត់តភ្ជាប់ម្រាមដៃរបស់នាងវិញ ប៉ុន្តែមិនប្រាកដថា ម្រាមដៃរបស់នាង អាចដំណើរការបាន ១០០ភាគរយវិញនោះទេ។
គួរបញ្ជាក់ដែរថា ធ្លាប់មានហេតុការណ៍ដូចនេះ ជាច្រើនបានកើតឡើងក្នុងប្រទេសចិន កាលពីឆ្នាំមុនៗកន្លងទៅ ហើយក៏ធ្លាប់មានកុមារតូចៗ រងគ្រោះនិងធ្លាក់ស្លាប់ជាច្រើននាក់ផងដែរ៕
ទស្សនាវីដេអូខាងក្រោម៖
ប្រភព៖Asiantown
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
