ខេត្តក្រចេះ ៖ តុលាការខេត្តក្រចេះ កាលពីព្រឹកថ្ងៃទី១៤ សីហា បានសម្រេចឃុំខ្លួនយុវជនម្នាក់ជាប់ចោទពីបទរំលោភសេពសន្ថវៈទៅពន្ធនាគារខេត្ត ក្រោយពីកម្លាំងនគរបាលស្រុកសំបូរ ចាប់ឃាត់ខ្លួនមកកសាងសំណុំរឿងបានរយៈពេល២ថ្ងៃបន្ទាប់ពីកើតហេតុរួចមក។
យុវជនដែលជាប់ទោសពីបទរំលោភតែមិនបានសម្រេចទៅលើនារីវ័យ២០ឆ្នាំរូបនេះ ឈ្មោះខៀវ បូរឹទ្ធ អាយុ២២ឆ្នាំ មានទីលំនៅស្រុកសំបូរ រីឯនារីរងគ្រោះមានទីលំនៅស្រុកជាមួយគ្នា។
តាមប្រភពព័ត៌មានឱ្យដឹងថា កាលពីយប់ថ្ងៃទី១១ សីហា ជនសង្ស័យ និងគ្នីគ្នាមួយចំនួនទៀតបាននាំគ្នាផឹកស៊ីនៅផ្ទះឈ្មោះស៊ីថា ជាបងប្រុសរបស់នារីរងគ្រោះ។ ក្រោយពីផឹកស៊ីបានមួយសន្ទុះមិត្តភក្តិក្នុងចំណោមគូកនផឹកស៊ីនោះបានប្រើឲ្យនារីរងគ្រោះជិះម៉ូតូទៅទិញបារីមួយកញ្ចប់។ ខណៈពេលដែលនារីរងគ្រោះកំពុងតែជិះម៉ូតូចេញជនសង្ស័យឈ្មោះខៀវ បូរឹទ្ធ ក៏បានលោតជិះពីក្រោយទៅជាមួយនារីរងគ្រោះ លុះពេលជិះទៅដល់ផ្ទះលក់បារីនារីរងគ្រោះបានឈប់ តែជនជាប់ចោទមិនឲ្យនាងឈប់ដោយប្រាប់ថា ជិះបង្ហួសទៅដើរលេងបន្តិចសិន។
ប្រភពដដែលបន្តថា ពេលជិះម៉ូតូទៅដល់សាលាស្វាយចេក ក្នុងឃុំកោះខ្ញែរ ស្រុកសំបូរ ជនជាប់ចោទបានឲ្យនារីរងគ្រោះឈប់ និងបានហៅនាងទៅអង្គុយលេងនៅលើបង់ក្នុងបរិវេណសាលារៀន។ នៅពេលអង្គុយសាសងគ្នាជនជាប់ចោទបានលួងលោមនារីរងគ្រោះថា ថ្ងៃស្អែកគេនឹងទិញទូរស័ព្ទឱ្យនាងមួយគ្រឿង។ ដោយឃើញនារីរងគ្រោះមិនប្រកែក បុរសជាប់ចោទក៏បានឱបថើបនាងរួចកៀកស្មានារីរងគ្រោះបណ្តើរចូលទៅក្នុងបន្ទប់សាលារៀនដែលមានទ្វារចំហរស្រាប់។ ពេលចូលដល់បន្ទប់សាលាបុរសជាប់ចោទក៏បានបីត្រកងនារីរងគ្រោះដាក់លើតុក្នុងបន្ទប់សាលា សំរាតខោអាវនាង ធ្វើសកម្មភាពរំលោភសេពសន្ថវៈតែម្តង ប៉ុន្តែមិនទាន់បានសម្រេចផងនោះ ក៏ស្រាប់តែមានភ្លើងពិលបានបញ្ចាំងចូលមក ភ្លាមៗនោះនារីរងគ្រោះបាននិយាយប្រាប់ជនជាប់ចោទថា ប្រហែលជាបងប្រុសគេមកហើយ ។ ដោយឮបែបនេះបុរសជាប់ចោទ ក៏ស្លៀកខោអាវរត់ផ្លោះតាមបង្អួចសាលាចេញមកក្រៅបាត់ ចំណែកនារីរងគ្រោះស្លៀកពាក់រត់ចេញមកបញ្ឆះម៉ូតូជិះសំដៅទៅរកភ្លើងពិល គឺមិនត្រឹមតែឃើញបងប្រុសទេ ថែមទាំងឃើញប៉ូលិសមកជាមួយទៀត និងក្រោយមកចាប់ខ្លួនជនដៃដល់។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ផ្តល់សិទ្ធដោយ កោះសន្តិភាព
បញ្ចូលអត្ថបទ ៖ បុប្ផា កោះ
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]