ខេត្តព្រៃវែង ៖ យុវជនម្នាក់ខូចចិត្តផឹកស្រាលែងស្គាល់បាយស្គាល់ទឹករហូតចូល មន្ទីរពេទ្យដោយសារតែខឹងនឹងនារីម្នាក់ដែលគេខំលួចស្រឡាញ់៤ ឆ្នាំ មកហើយ តែនាងនៅតែមិនព្រមស្រឡាញ់ ទើបធ្វើឱ្យគេខូចចិត្តមួយថ្ងៃៗគិតតែពីផឹកស្រាដើម្បីបំបាត់ ទុក្ខ ។
ហេតុការណ៍នេះកើតឡើងកាលពីវេលាម៉ោង៦និង៣០នាទី ល្ងាចថ្ងៃទី១២ សីហា ២០១២ នៅក្នុងភូមិក្រសាជេត ឃុំរំចេក ស្រុកព្រះស្តេច។
យុវជនខូចចិត្តមានឈ្មោះឈិន វណ្ណណូ ភេទប្រុស អាយុ២២ឆ្នាំ ជាកម្មកររោងចក្រស្នាក់នៅសង្កាត់ទឹកថ្លា ខណ្ឌសែនសុខ មានស្រុកកំណើតនៅភូមិកើតហេតុខាងលើ ត្រូវបានក្រុមគ្រួសារឱ្យដឹងថា យុវជនខូចចិត្តម្នាក់នេះបានលួចស្រឡាញ់នារីម្នាក់ ជានិស្សិតឆ្នាំទី១ ជំនាញធនាគារ មានទីលំនៅភូមិឡឹក ឃុំស្រុក និងខេត្តជាមួយគ្នា ។
គួរបញ្ជាក់ថា កាលអំឡុងចូលឆ្នាំប្រពៃណីកន្លងមកនេះ វណ្ណណូ បានប្រាប់ឱ្យម្តាយទៅស្តីដណ្តឹងនាងម្តងទៀត តែម្តាយនាងប្រាប់ថា ចាំកូនគាត់រៀនចប់សិន ។ រីឯនាងក៏បានប្រាប់វណ្ណណូថា នាងឈប់ស្រឡាញ់ហើយ ទើបធ្វើឱ្យវណ្ណណូ អស់សង្ឃឹមគិតតែពីដើរផឹកស្រាដល់ថ្នាក់ឈប់ហូបបាយហូបទឹកអ្វីទាំង អស់។ លុះដល់ល្ងាចថ្ងៃខាងលើ យុវជនខូចចិត្តម្នាក់នោះផឹកស្រារហូតដល់សន្លប់ត្រូវបានក្រុម គ្រួសារដឹកយកទៅសង្គ្រោះនៅមន្ទីរពេទ្យព្រះកុសុមៈរាជធានី ភ្នំពេញ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
បញ្ចូលអត្ថបទ ៖ បុប្ផា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
