រាជធានីភ្នំពេញ ៖ បុរសមិនស្គាល់អត្តសញ្ញាណម្នាក់ បានចង.កធ្វើអត្តឃាតសម្លាប់ខ្លួន ដោយមិនដឹងមូលហេតុ បង្កការភ្ញាក់ផ្អើលដល់ព្រះសង្ឃ ដែលគង់ក្នុងវត្តស្ទឹងមានជ័យ និងអ្នកភូមិរស់នៅជិតនោះនាំគ្នា ចោមរោមមើលយ៉ាងច្រើនកុះករ កាលពីវេលាម៉ោង ៧ព្រឹកថ្ងៃទី១០ កុម្ភៈ នៅចំណុចចេតិយវត្តស្ទឹងមានជ័យ ស្ថិតក្នុងសង្កាត់ស្ទឹងមានជ័យខណ្ឌមានជ័យ ។
សពមិនត្រូវបានគេស្គាល់អត្តសញ្ញាណនោះឡើយ បុរសដែលចង.កសម្លាប់ខ្លួនខាងលើ ស្លៀកខោខ្លី ពណ៌ក្រហម និងពាក់អាវដៃវែងក្រឡាការ៉ូ ពណ៌ក្រហម មានវ័យប្រមាណជាង៣០ឆ្នាំ ។
ក្រោយបង្កការភ្ញាក់ផ្អើលខាងលើ សមត្ថកិច្ចជំនាញចុះទៅដល់កន្លែងកើតហេតុ ដើម្បីពិនិត្រ និងធ្វើកោសល្យវិច័យសព ឃើញថាពិតជាស្លាប់ដោយសារចង.កសម្លាប់ខ្លួន ប្រាកដមែន ។
សពត្រូវបានតម្កល់ទុកនៅក្នុងវត្តស្ទឹងមានជ័យ រង់ចាំបងប្អូនសាច់ញាតិមកទទួលយក ទៅធ្វើបុណ្យតាមប្រពៃណី ។ អាជ្ញាធរបញ្ជាក់ថា ក្នុងរយៈពេល៣ថ្ងៃ ប្រសិនបើគ្មានសាច់ញាតិមកទទួលនោះទេ អាជ្ញាធរនឹងសម្រេចប្រគល់ជូនតំណាងវត្តធ្វើការបូជាទៅតាមប្រពៃណី ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
