អូស្រ្តាលី៖ អតីតតារាសម្តែងស្រី គឹម លីហ្សា បានហួសចិត្តលើព័ត៌មានក្នុងស្រុកមួយចំនួន ដែលបានដាក់ចំណងជើងធំៗថា «ល្បីថា គឹម លីហ្សា ស្នេហារង្គោះរង្គើ ចង់លក់ចិញ្ចៀនរៀបការចាយ» បានធ្វើឲ្យនាងកើតទុក្ខមិនសុខចិត្ត បញ្ចេញអារម្មណ៍ប្រតិកម្ម ដោយបង្ហោះសារនៅលើទំព័រហ្វេសប៊ុករបស់នាង យ៉ាងពេញទំហឹងតែម្តង។
កាលពីម្សិលមិញនេះ អ្នកនាង គឹម លីហ្សា បានបង្ហោះសារដ៏វែងអន្លាយមួយ ចង់បកស្រាយថា ជីវិតគ្រួសាររបស់នាង មិនបានឈ្លោះទាស់ទែងគ្នា ឬក៏រង្គោះរង្គើ ដូចពាក្យដែលខាងសារព័ត៌មានក្នុងស្រុកមួយចំនួន បានចុះផ្សាយឡើយ។
នាងបានសរសេរថា "ពុទ្ធោហួសចិត្ត គ្រាន់តែខ្ញុំធ្វើលេងសើចសោះសរសេរឡើងមួយចាស់ដៃ មុននឹងសរសេរសួរខ្ញុំផង ប្តីប្រពន្ធខ្ញុំ ទើបតែមកពីដើរលេងជាមួយគ្នា គ្រាន់តែឃើញប្តីខ្ញុំហួសចិត្ត ចឹងបានគេចូលចិត្តនិយាយថា ព័ត៌មានស្រុកខ្មែរចុះអីមែនដែលការពិតសោះ សូមផ្តាំទៅអ្នកសរសេរព័ត៌មានមួយនេះផងថា មុននឹងខ្ញុំរៀបការជាមួយប្តីខ្ញុំបានគិត និងដាក់ចិត្តរួចហើយនឹងអ្វី ដែលជួបនៅខាងមុខដូចជា ការលះបង់ពីជីវិតសិល្បៈមកធ្វើជាមេផ្ទះ ការលះបង់ការសប្បាយ មកប្រែជីវិតបែបស្ងៀមស្ងាត់ ធម្មតាប្តីប្រពន្ធនៅជាមួយគ្នា គ្មានអ្នកណាផ្អែមល្ហែមរហូតនោះទេ តែក៏កុំប្រើពាក្យថារង្គោះរង្គើ ព្រោះប្តីប្រពន្ធខ្ញុំនៅពេលនេះកំពុងតែមានសុភមង្គល និងអ្វីដែលយើងមាននឹងទទួលបានរាល់ថ្ងៃនេះ ហើយសូមប្រាប់ថាប្តីប្រពន្ធខ្ញុំ នៅពេលនេះគឺកំពុងតែហួសចិត្ត នឹងព័ត៌មាននេះណាស់ ។ ហើយរឿងលក់ចិញ្ចៀន គឺជារឿងដែរ ខ្ញុំនិយាយលេងជាមួយមិត្តភក្តិក្នុង fbប៉ុណ្ណោះ" ៕
តើប្រិយមិត្តយល់យ៉ាងណាដែរ?
គឹម លីហ្សា និងស្វាមីរបស់នាង
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
