អង់គ្លេស៖ កាលពីពេលថ្មីៗកន្លងទៅនេះ អតីតកីឡាករបាល់ទាត់អង់គ្លេស លោក David Beckham បានចំណាយប្រាក់ជាច្រើន រហូតដល់ជាង ២០ម៉ឺនដុល្លារអាមេរិក ដើម្បីទិញរថយន្តស៊េរីទំនើបមួយគ្រឿង តែបែរជាមិនអនុញ្ញាតឲ្យក្រុមគ្រួសាររបស់លោកជិះដែរទៅវិញ។
រូបភាព លោក និងក្រុមគ្រួសារ
តាមរយៈប្រភពព័ត៌មានបានឲ្យដឹងថា David Beckham បច្ចុប្បន្នមានវ័យ ៤០ឆ្នាំ បានចំណាយប្រាក់ ២០ម៉ឺនដុល្លារអាមេរិក ទិញរថយន្តម៉ាក F-TYPE Project 7 Jaguar ធ្វើជាកម្មសិទ្ធិផ្ទាល់ខ្លួន ដោយមិនអនុញ្ញាតឲ្យនរណាម្នាក់ប្រើវាសម្រាប់ដំណើរកម្សាន្តជាលក្ខណៈគ្រួសារ ឬការជូនដើរផ្សារនោះឡើយ ព្រោះវាគឺជាឡានសំណប់ចិត្ត របស់លោក។
យ៉ាងណាមិញ ដើម្បីទិញរថយន្តស៊េរីទំនើបមួយនេះ មនុស្សជាច្រើនត្រូវចុះឈ្មោះកុម្ម៉ង់ទិញ តាំងពីវាទើបតែចេញជារូបរាងគំរូមកម៉្លេះ តែចំពោះ David Beckham វិញ ហាក់ដូចជាគ្មានស្ទាក់ស្ទើរក្នុងការទិញ រថយន្តនេះ សម្រាប់ធ្វើជាកាដូផ្ទាល់ខ្លួន ក្នុងថ្ងៃបុណ្យណូអែលឡើយ។
គួរបញ្ជាក់ឲ្យដឹងថា សព្វថ្ងៃអតីតកីឡាករបាល់ទាត់លំដាប់ពិភពលោករូបនេះ មានកូន ៤នាក់ គឺកូនប្រុស Brooklyn អាយុ១៦ឆ្នាំ Romeo អាយុ១៣ឆ្នាំ Cruz អាយុ ១០ឆ្នាំ និងកូនស្រីពៅ Harper អាយុ៤ឆ្នាំ ជាមួយប្រពន្ធ របស់លោក នាង Victoria ។
ចំពោះឡានស៊េរីទំនើបៗ Beckham មានច្រើនមកហើយដែរ ដូចជា Cadillac Escalade, Ferrari 612 Scaglietti, Jeep, Audi, Bentley និង Aston Martin ជាដើម ដែលសុទ្ធសឹងជាកាដូ ដែលលោកទិញជូនខ្លួនឯង ក្នុងពិធីបុណ្យប្រពៃណីធំៗផងដែរ។ តែសំរាប់ឡានដែលលោកទើបទិញចុងក្រោយនេះ ទុកសម្រាប់ជិះផ្ទាល់ខ្លួនប៉ុណ្ណោះ៕
រូបភាពតំណាង ឡាន F-TYPE Project 7 Jaguar
ប្រភព៖ បរទេស
ដោយ ឌី
ខ្មែរឡូត
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]