វីដេអូបាញ់ប្រហារនៅថៃភាគខាងត្បូងគួរឲ្យរន្ធត់

ទាហានថៃ ក្នុងកងពលពិសេស លេខ 1532 បានត្រូវជនប្រដាប់អាវុធអ៊ីស្លាម មួយក្រុមធ្វើការលួចបាញ់ប្រហារ នៅពេលដែលទាហានទាំងនោះកំពុងជិះល្បាតតាមផ្លួវ Mayo Road ក្នុងខេត្ត Pattani ប្រទេសថៃភាគខាងត្បូង។ ហេតុការនេះកើតឡើងនៅព្រឹកថ្ងៃសៅរ៍ ទី ២៨ ខែ កក្កដា ឆ្នាំ ២០១២ ។

ទាហានថៃ ៦ នាក់ជិះល្បាតលើម៉ូតូលឿន ៣ គ្រឿង ខណៈពេលដែលក្រុមប្រដាប់អាវុធលើសពី ១០ នាក់ក្នុងរថយន្ត Pickup បីគ្រឿងបើកពីក្រោយ និង បាញ់ប្រហារឥតប្រណី លើទាហាននៅលើម៉ូតូមិនដឹងខ្លួន ។ ទាហាន ៤ នាក់ស្លាប់នៅនឹងកន្លែង ចំណែកឯ ២ នាក់ទៀតរងរបួសធ្ងន់។

តំបន់ភាគខាងត្បូងថៃ តែងតែមាន អំពើហិង្សា និង ការបាញ់ប្រហារដោយសារជម្លោះរវាង រដ្ឋាភិបាលថៃ និង ក្រុមផ្តាច់ខ្លួនអ៊ីស្លាម នៅខេត្ត Pattani ។​ ការវាយប្រហារតាមរថយន្ត Pickup កើតមានជារឿយៗ ។

ក្រោយពីការបាញ់ប្រហារ ក្រុមប្រដាប់អាវុធ ប្រឹងប្រែងប្រមូលយកសម្ភារៈ និង អាវុធពីទាហានដែលដេកស្លាប់ ។ សូមប្រិយមិត្តផ្ដល់មតិពីហេតុការណ៍នេះ។

ដោយ វីន

Khmerload