ភ្នំពេញ៖ តារាសម្តែងស្រីចាស់វស្សា ស្វែង សុជាតា បានបង្ហាញនូវរឿងពិត ប្រាប់មហាជន ឲ្យបានដឹង ថាជីវិតរបស់នាងកំសត់យ៉ាងណា។
កាលពីថ្មីៗនេះ អ្នកនាង ស្វែង សុជាតា បានឡើងកម្មវិធី "តុបំភ្លឺ" របស់ស្ថានីយ៍ទូរទស្សន៍ MYTV ដើម្បីបកស្រាយពីរឿងរ៉ាវដ៏ជូរចត់របស់នាង ដែលគ្មានអ្នកណាដឹងឡើយ ថានាងបានជួបរឿងអ្វីខ្លះ។ តារាស្រី តែងដើរតួ កាចឆ្នាស់ ក្នុងខ្សែភាពយន្ត រូបនេះ បានឲ្យដឹងថា នាងមានជម្ងឺដុះសាច់ក្នុងខួរក្បាល ដែលជម្ងឺមួយនេះ នាងមិនដែលប្រាប់អ្នកណា ឲ្យបានដឹងនោះទេ ហើយព្យាយាមរស់ ជាមួយនឹងក្រុមគ្រួសារធម្មតា។
ប៉ុន្តែអ្វីដែលនាង មិននឹកស្មាននោះ គឺស្វាមីជាទីស្រឡាញ់ បានសុំលែងលះនាង ដោយគ្មានស្រណោះអ្វីបន្តិចសោះ ខណៈនាងកំពុងរងជម្ងឺដុះសាច់ ក្នុងខួរក្បាលនេះ។ នៅពេលនាង បានលឺពាក្យសម្តីនេះ នាងឈឺចាប់ខ្លាំងបំផុត ដែលស្វាមី ប្រាប់នាងថា មិនអាចនៅជាមួយគ្នាបាននោះទេ ព្រោះតែជីវភាពក្រលំបាកពេក។ ហើយនៅពេលនោះដែរ កូនតូចរបស់នាង ក៏មានជម្ងឺទឹកនោមប្រៃទៀត ធ្វើឲ្យនាង ពិតជាឈឺចាប់រកពាក្យថ្លែងមិនបាន៕
ចង់ជ្រាបកាន់តែច្បាស់ថា អ្នកនាង ស្វែង សុជាតា បានជួបរឿងលំបាកអ្វីខ្លះទៀត តោះទស្សនាវីដេអូ ខាងក្រោមទាំងអស់គ្នា៖
អ្នកនាង ស្វែង សុជាតា បានរៀបរាប់ជីវិតដ៏កំសត់របស់នាង
ប្រភព យូធូប
ដោយ៖ កា
ខ្មែរឡូត
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
