ខេត្តព្រះសីហនុ ៖ តាមសេចក្តីរាយការណ៍ ពីអ្នកឆ្លើយឆ្លងប្រចាំខេត្ត បានឱ្យដឹងថា ករណីគ្រោះធម្មជាតិ (ខ្យល់ព្យុះ) នៅថ្ងៃទី១៧ កញ្ញា នៅឃុំអណ្តូងថ្ម និងឃុំអូរជ្រៅ ក្នុងស្រុកព្រៃនប់ ។
កាលពីវេលា ម៉ោង៥និង៥៥នាទីល្ងាច នៅភូមិត្រពាំងស្អុយ ឃុំអណ្តូង ខ្យល់ព្យុះបណ្តាលឱ្យ ខូចខាតដំបូងផ្ទះ ប្រជាពលរដ្ឋចំនួន១ខ្នង ទំហំ៤ម៉ែត្រគុណ៥ម៉ែត្រ ដែលម្ចាស់ផ្ទះឈ្មោះ នូ ផល ភេទប្រុស អាយុ៣៥ឆ្នាំ របើកដំបូលមួយចំហៀង និងរោងបាយខូចខាតទាំងស្រុង ។ ករណីនេះមិនបណ្តាលឱ្យ គ្រោះថ្នាក់ដល់មនុស្សឡើយ ។
ចំណែកនៅឃុំអូរ វេលាម៉ោង៦និង៣០នាទីយប់ នៅចំណុចភូមិកោះខ្យង បណ្តាលឱ្យខូចខាត ដំបូលផ្ទះពលរដ្ឋ ចំនួន២១ខ្នង និងផ្ទះផែ២ខ្នង ប៉ើងដំបូលស៊ីហ្រ្វូចំនួន៦១៩ និងស័ង្កសីចំនួន៥៤សន្លឹក ក្នុងនោះបណ្តាលឱ្យ ស្ត្រីទើបសម្រាលកូនម្នាក់ឈ្មោះ ដុស ចាន់ធួក អាយុ២៦ឆ្នាំ មុខរបរលក់ដូរ មានទីលំនៅ ចំណុចកើតហេតុខាងលើ រងរបួសបែកក្បាល ដោយសារស៊ីហ្រ្វូធ្លាក់ត្រូវ ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]