ខេត្តកំពង់ធំ ៖ កុមារាអាយុ៥ឆ្នាំម្នាក់បានស្លាប់នៅព្រឹកមិញ បន្ទាប់ពីសត្វឪម៉ាល់ទិចកាលពីរសៀលថ្ងៃទី០២ កញ្ញា ក្រោយសង្គ្រោះបន្ទាន់នៅមន្ទីរពេទ្យបង្អែកខេត្ត ។
បើតាមអ្នកឆ្លើយឆ្លងព័ត៌មានកោះសន្តិភាពបានឲ្យដឹងជំហានដំបូងថា មុនពេលកើតហេតុនៅក្នុងភូមិ-ឃុំបា្រសាទ ស្រុកសន្ទុក កាលពីរសៀលថ្ងៃទី០២ កញ្ញា ២០១៥ កុមារារងគ្រោះឈ្មោះ ឌីន សំណាង និងបងៗពីរនាក់ទៀតបានទៅដេញគោ ហើយគោរត់ទៅប៉ះនឹងសម្បុកឪម៉ាល់ បណ្តាលឲ្យហ្វូងឪម៉ាល់ដេញទិច បងៗរត់អស់នៅសល់ក្មេងប្រុសរងគ្រោះរត់មិនទាន់ ក៍ត្រូវសត្វឪម៉ាល់ទិចប្រមាណ៥០មេ បណ្តាលឲ្យសន្លប់នៅនឹងកន្លែង និងក្រោយមកត្រូវបានក្រុមគ្រួសារដឹកយកទៅសង្គ្រោះនៅគ្លីនិកឯកជន តែដោយសារស្ថានភាពធ្ងន់ធ្ងរក៍ដឹកបន្តមកសង្គ្រោះបន្ទាន់នៅមន្ទីរពេទ្យបង្អែកខេត្តកំពង់ធំ ជាអកុសលក្មេងប្រុសក៍បានស្លាប់នៅព្រឹកថ្ងៃព្រហស្បតិ៍នេះ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]