យន្តហោះ Delta មួយគ្រឿង ដឹកអ្នកដំណើរ១១១នាក់ ត្រូវរន្ទះបាញ់ចំ ស្តែងៗ (មានវីដេអូ)

អាមេរិក៖ ទិដ្ឋភាពគួរឲ្យរន្ធត់ស្តែងៗមួយបានកើតឡើង ដែល យន្តហោះរបស់ ក្រុមហ៊ុន អាកាសចរណ៍ Delta មួយគ្រឿង ត្រូវបានរន្ទះបាញ់ ខណៈពេលកំពុងរៀបនឹង ហោះចាកចេញពី អាកាសយាន្តដ្ឋាន មួយនៅ សហរដ្ឋ អាមេរិក។

តាមប្រភពព័ត៌មានបានឲ្យដឹងថា យន្តហោះ Delta ប៊ូអ៊ីញ737-900R ជើងហោះហើរ 67 ត្រូវបានរន្ទះបាញ់ កាលពីថ្ងៃអង្គារ៍នេះ ខណៈពេល​យន្តហោះ មួយនេះបាន ចតតំរង់ជួរ ត្រៀមនឹង ហោះចាកចេញ ពី អាកាសយាន្ត ដ្ឋាន អន្តរជាតិ អាត្លង់តា អំឡុងពេល កំពុងតែមានភ្លៀងធ្លាក់យ៉ាង ខ្លាំង ។

ក្នុងនោះដែរ ទិដ្ឋភាពពេលរន្ទះបាញ់យន្តហោះ យ៉ាងស្តែងៗ ត្រូវគេថតបានទាំងស្រុង និង បង្ហោះលើបណ្តាញ អ៊ីនធើណេត ផងដែរ ។

យ៉ាងណាមិញ បើតាមសំដីអ្នកនាំពាក្យ ឲ្យក្រុមហ៊ុនអាកាសចរណ៍ Delta បានបញ្ជាក់ថា ក្នុងហេតុការណ៍នេះ មិនបានបណ្តាលឲ្យ អ្នកដំណើរទាំង ១១១ នាក់ និង បុគ្គលិកអាកាសចរ ៦នាក់ទៀត នៅលើយន្តហោះ កើតមានគ្រោះថ្នាក់ ឬ​ មានរបួសអ្វី នោះទេ ។

អ្នកនាំពាក្យរូបនេះ បន្តថា យន្តហោះត្រូវបាន ផលិតនិងច្នៃឡើងដោយមាន ប្រព័ន្ធការពារ ពីកាំរន្ទះ ប៉ុន្តែក្នុងករណី នេះ ក្រុមហ៊ុនកំពុងតែ ធ្វើការស៊ើបអង្កេត និងស្វែងរក មូលហេតុបណ្តាល ឲ្យកើតហេតុការណ៍នេះ  ពីព្រោះ ក្រុមហ៊ុន Delta តែងតែគិតពី សុវត្ថិភាពជាចំបង ៕

វីដេអូបង្ហាញពីសកម្មភាពស្តែងៗនេះ

ប្រភព  CNN

ដោយ៖ ទីន

ខ្មែរឡូត