ខេត្តត្បូងឃ្មុំ ៖ ជនសង្ស័យឈ្មោះឆេង សាន អាយុ៤៩ឆ្នាំ មានទីលំនៅ ក្នុងភូមិព្រឹក ឃុំក្រែក ស្រុកពញាក្រែក ត្រូវសមត្ថកិច្ចធ្វើការឃាត់ខ្លួន បន្ទាបីពីធ្វើសកម្មភាព ចាប់ក្មេងស្រីមាន អាយុ៤ឆ្នាំម្នាក់ រំលោភសេពសន្ថវៈ ខណៈម្តាយចេញទៅស៊ីឈ្មួល បង្កកជ័រកៅស៊ូឱ្យគេ ដោយទុកកូនស្រី នៅផ្ទះតែម្នាក់ឯង កាលពីរសៀលថ្ងៃទី៤ សីហា ២០១៥ ។
លោកវរសេនីយ៍ត្រីចក់ សុខកៅ នាយការិយាល័យ ព្រហ្មទណ្ឌកំរិតធ្ងន់ខេត្តឱ្យដឹងថា នៅវេលាម៉ោង៤រសៀលថ្ងៃនោះ ខណៈស្ត្រីជាម្តាយ បានត្រឡប់មកផ្ទះវិញ ស្រាប់តែឃើញកូនស្រី យំខុសប្លែកពីធម្មតា ក៏សួរនាំ ហើយត្រូវក្មេងស្រីនិយាយប្រាប់ថា ឈ្មោះសាន បានចាប់នាងរំលោភ (យកដៃលូកប្រដាប់ភេទ) ធ្វើឱ្យមានការឈឺចាប់ ។
បន្ទាប់ពីឮកូនស្រី និយាយបែបនេះ ស្ត្រីជាម្តាយក៏ប្រញាប់ទៅ ប្តឹងប៉ុស្តិ៍រដ្ឋបាលឃុំក្រែកជួយ អន្តរាគមន៍តែម្តង ។ ពេលដែលសមត្ថកិច្ច ហៅជនសង្ស័យឈ្មោះឆេង សាន មកសួរនាំនៅប៉ុស្តិ៍នោះ ក៏បានឆ្លើយសារភាពថា ខ្លួនពិតជាបានប្រព្រិត្តទង្វើខាងលើនេះមែន ។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]