មានការភ្ញាក់ផ្អើលយ៉ាងខ្លាំង បន្ទាប់វីដេអូឃ្លីបមួយ ដែលត្រូវបានគេថត តាមកាមេរ៉ា សុវត្ថិភាព បង្ហាញពីបុរសដែលគេអះអាងថា ជាឧញ៉ាម្នាក់ បានធ្វើវាយប្រហារ យ៉ាងចាស់ដៃ មកលើអតីត តារាសម្តែង និងពិធីការិនី របស់ស្ថានីយទូរទស្សន៍ស៊ីធីអ៊ិន នាងសាសា ។
វីដេអូឃ្លីបដែលមានរយៈពេល១នាទី និង៨វិនាទី ត្រូវបានគេបង្ហោះ តាមបណ្តាញ សង្គមហ្វេសប៊ុក កាលពីថ្ងៃទី៨ ខែកក្កដា ឆ្នាំ២០១៥ បានបង្ហាញ ពីសកម្មភាព ដ៏កាចសាហាវ ឃោរឃៅមួយ ដែលគេសង្ស័យ បង្កឡើងដោយឧកញ៉ាម្នាក់ បានវាយយ៉ាង ចាស់ដៃ មកលើកញ្ញា សាសា អតីតពិធីការិនីស្ថានីយ ទូរទស្សន៍ស៊ីធីអិន ដោយវាយចាប់សក់អូស និងមានអង្គរក្ស ម្នាក់ទៀត បានកាន់កាំភ្លើង ជាប់នឹងដៃ ដោយមានអ្នក ជួយអន្តរាគមន៍ម្នាក់ ទំនងជាអ្នកបំរើ នៅក្នុងក្លឹប កំសាន្តមួយកន្លែង ។ សកម្មភាព បានបង្ហាញពី ឧកញ៉ារូបនោះបានធ្វើបាប ទៅលើសាសាដោយ វាយអូសពីកន្លែង សាឡុងអង្គុយរួមគ្នា ចេញមកពីទីតាំង នោះបន្ថែមទៀត បណ្តាលឲ្យរបូត សម្លៀកបំពាក់ នៅសល់តែ ខោខ្លី ។
ហេតុការណ៍ខាងលើនេះ ត្រូវបានប្រភពក្រៅផ្លូវការបានអះអាងថា វាបានកើតឡើង កាលពីយប់ថ្ងៃទី២ ខែកក្កដា ឆ្នាំ២០១៥ ប៉ុន្តែរឿងនេះត្រូវ បានបែកធ្លាយ នៅព្រឹកថ្ងៃទី៨ ខែកក្កដា តាមរយវីដេអូឃ្លីបកាមរ៉ាសុវត្ថិភាព ។
កោះសន្តិភាពមិនអាចស្វែងរកការបកស្រាយណាមួយពីភាគទាំង សងខាងនៅឡើយទេ នៅថ្ងៃទី៨ កក្កដា នេះ ប៉ុន្តែប្រភពក្រៅ ផ្លូវការមួយបានអះ អាងថា ចំពោះហេតុការណ៍ ខាងលើនាង សាសា បានធ្វើការដាក់ ពាក្យបណ្តឹងរួចរាល់ហើយ ក្នុងពេលដែលមាន មន្ត្រីថ្នាក់ផ្កាយ មួយរូប កំពុងតែរត់ការ ជួយឧកញ៉ាម្នាក់នោះ ដើម្បីបិទ សំណុំរឿងនេះ។
ប្រភពក្រៅផ្លូវការខាងលើនេះបានបញ្ជាក់ថា ឧញ៉ាដែលវាយធ្វើបាប សាសា នោះ មានឈ្មោះសុខ ប៊ុន ជាប្រធានក្រុមហ៊ុន TEHO Development និងជាប្រធាន សមាគម អ្នកវាយតម្លៃ និងភ្នាក់ងារ អចលនវត្ថុកម្ពុជា គឺជាអ្នកមានទ្រព្យសម្បតិ្តដ៏ ស្តុកស្តម្ភ និងជាអ្នកជំនួញ មួយរូបដែលបាន បណ្តាក់ទុនលើទឹក ប្រាក់ ៥០០លានដុល្លារ លើគម្រោង សាងសង់នៅ ជ្រោយចង្វារ ។
ព័ត៌មានលម្អិតនឹងផ្សាយជូននៅលើកាសែតកោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]