រាជធានីភ្នំពេញ ៖ គ្រោះថ្នាក់ចរាចរណ៍ មួយបានកើតរវាងម៉ូតូ និងម៉ូតូនៅលើ ស្ពានព្រះមុនីវង្សចាស់ ស្ថិតក្នុងសង្កាត់ទន្លេបាសាក់ ខណ្ឌចំការមន កាលពីវេលាម៉ោង១០ និង៤៥នាទីយប់ ថ្ងៃទី០៦ កក្កដា ២០១៥ បណ្តាលឱ្យមនុស្ស២នាក់រងរបួសធ្ងន់ និងម្នាក់រងរបួសស្រាល ។
ប្រភពបានឱ្យដឹងថា មុនពេលកើតហេតុ មានម៉ូតូ១គ្រឿងម៉ាក ហុងដា សេ១២៥ ពាក់ស្លាកលេខ កណ្តាល 1A-0698 ជិះគ្នា២នាក់ បើកពីលិចទៅកើត (បញ្ច្រាស់ទិសដៅស្ពាន) លើស្ពានព្រះមុនីវង្សចាស់ ស្រាប់តែមកដល់ កន្លែងកើតហេតុក៏បុកគ្នា យ៉ាងពេញទំហឹង ជាមួយម៉ូតូ១គ្រឿងទៀតម៉ាក ហុងដា សេ១២៥ ពាក់ស្លាកលេខ សៀមរាប 1D-7963 បើកបរតែម្នាក់ ក្នុងទិសដៅពីកើតទៅលិច (ស្របទិសដៅស្ពាន) ។
ប្រភពបានបន្តទៀតថា បុរស២នាក់ដែលបើកបរ បញ្ច្រាស់ទិសដៅបាន រងរបួសធ្ងន់ ឯបុរសម្នាក់ទៀត ដែលបើក បរស្របទិសដៅ ស្ពានរងរបួសស្រាល ត្រូវបានរថយន្តសង្គ្រោះ ដឹកយកទៅសង្គ្រោះ ។ ចំណែកម៉ូតូ ខូចខាតធ្ងន់ធ្ងរ ទាំងសងខាង ។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]