ខេត្តកំពង់ឆ្នាំង ៖ យុវជនម្នាក់បានលេបថ្នាំសម្លាប់ខ្លួន ដោយសារតែគ្មានលុយបន្តការសិក្សា និងគួបផ្សំម្តាយស្តីបន្ទោសផងនោះ ហើយបានស្លាប់ក្នុងមន្ទីរពេទ្យខេត្ត កាលពីវេលាម៉ោង៤ទៀបភ្លឺថ្ងៃទី២៣ កក្កដា បន្ទាប់ពីក្រុមគ្រូពេទ្យព្យាយាមជួយសង្គ្រោះ តែមិនបានទទួលជោគជ័យ ។ ហេតុការណ៍នេះបានកើតឡើងកាលពីវេលាម៉ោង១រសៀលថ្ងៃទី២២ កក្កដា នៅភូមិចំការតាម៉ៅ ឃុំស្រែថ្មី ស្រុករលាប្អៀរ ។ យុវជនគិតខ្លីមានឈ្មោះឡូត លីហួរ (ហៅតុត) អាយុ១៨ឆ្នាំ រស់នៅភូមិកើតហេតុ ។
ប្រភពពីស្ត្រីជាម្តាយឱ្យដឹងថា នៅមុនពេលកើតហេតុកូនប្រុសរបស់គាត់ដែលជាជនរងគ្រោះបានមកសុំ លុយទៅដាក់ពាក្យប្រឡងដើម្បីរៀនបន្ត តែគាត់ប្រាប់ថា គ្មានលុយទេហើយក៏ប្រកែកគ្នាបន្តិចបន្តួច ។ ពេលនោះកូនប្រុសគាត់បានជិះកង់ចេញក្រៅបាត់ ទៅមិនដឹងថាទៅទីណានោះទេ ប៉ុន្តែប្រហែលជាង១ម៉ោងក្រោយមក ស្រាប់តែកូនគាត់ម្នាក់ទៀតដែលនៅឯខេត្តបាត់ដំបងបានទូរស័ព្ទមក ប្រាប់ថា អាតុតវាបានទូរស័ព្ទមកប្រាប់ថា វាឡើងលើភ្នំក្រាំងដីមាស ទៅលេបថ្នាំសម្លាប់ខ្លួន ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
បញ្ចូលអត្ថបទ ៖ បុប្ផា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]