ភ្នំពេញ៖ អតីតតារាចម្រៀងល្បីឈ្មោះ លោក មួន ម៉ារ៉ា រំភើបចិត្ត នៅពេលបានទទួលដំណឹងថា ភរិយាជាទីស្រឡាញ់ កំពុងតែពរពោះកូនប្រុស។
តារាចម្រៀងប្រុសម្ចាស់បទ "អូនទៅភ្នំពេញ" រូបនេះ បានបង្ហាញអារម្មណ៍សប្បាយចិត្ត ដោយបានបង្ហោះ រូបថតជា ច្រើនសន្លឹក របស់ភរិយាគាត់ ចូលក្នុងបណ្តាញសង្គមហ្វេសប៊ុក នៅពេលដឹងថា នាងមានផ្ទៃពោះ ហើយជា ពិសេស កូនក្នុងផ្ទៃរបស់នាង ជាកូនប្រុសទៀតផង ដែលសមតាមបំនងប្រាថា្ន របស់គាត់។ មិនតែប៉ុណ្ណោះ លោក មួន ម៉ារ៉ា បានសរសេរពាក្យពេជន៍ យ៉ាងរំភើបក្រៃលែងថា "រំភើបខ្លាំងណាស់ថ្ងៃនេះ ពិតជាបានដូចបំណងមែន ឃើញអាច្រម៉ក់ ច្បាស់ក្រឡែត បងស្រឡាញ់អូនណាស់ ប្រពន្ធសំលាញ់ និងកូនប្រុស Fly របស់ប៉ា" ។
ជាមួយគ្នានោះដែរ ភរិយារបស់គាត់ បានបង្ហាញអារម្មណ៍សប្បាយចិត្ត មិនចាញ់លោក មួន ម៉ារ៉ា ប៉ុន្មានដែរ ដោយបាន បង្ហោះសារយ៉ាងខ្លី ប៉ុន្តែមានន័យថា "ទីបំផុតមើលដឹងហើយ ថាកូន Fly គឺជាកូនប្រុស បំពេញបំណងស្វាមីរបស់ខ្ញុំ បានហើយ ប្តីសម្លាញ់រំភើបពេករហូតហូរទឹកភ្នែក ខ្ញុំមិនដែលឃើញគាត់ចឹងទេ ពីមុនមក ពិតជាសប្បាយចិត្តខ្លាំងណាស់" ។
លោក មួន ម៉ារ៉ា បានចូលរោងការ ជាមួយនឹង ភរិយាដ៏ស្រស់ស្អាតរបស់គាត់ កាលពីដើមខែមីនា ឆ្នាំ ២០១៥ ហើយកាលពីថ្មីៗនេះ ភរិយារបស់គាត់ ក៏កំពុងតែពរពោះកូនប្រុសម្នាក់ ដែលជាចំនងដៃ អាពាហ៍ពិពាហ៍ ដ៏ពិសេសមួយសម្រាប់ពួកគេ៕
រូបថត កូនក្នុងផ្ទៃរបស់ភរិយា លោកមួន ម៉ារ៉ា
លោក មួន ម៉ារ៉ា និងភរិយា
ប្រភព ហ្វេសប៊ុក
ដោយ៖ កា
ខ្មែរឡូត
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
