ខេត្តពោធិ៍សាត់ ៖ ប្តីប្រពន្ធពីរនាក់បានជិះម៉ូតូបុកគោយន្តដួលលើថ្នល់ បណ្តាលឱ្យប្តីបាក់ជើងម្ខាង ឯប្រពន្ធត្រូវរថយន្តមួយគ្រឿងមកពីមុខបុកជាប់កាងអូសលើផ្លូវ កៅស៊ូចម្ងាយប្រហែល១.០០០ម៉ែត្រ ទើបធ្លាក់ បណ្តាលឱ្យដាច់រយះសាច់ ដាច់ឆ្អឹងជំនីរ ធ្លាយពោះវៀនចេញមកក្រៅស្លាប់ភ្លាមៗនៅនឹងកន្លែង ។ គ្រោះថ្នាក់ចរាចរណ៍នេះ បានកើតឡើងលើផ្លូវកៅស៊ូទៅស្រុកភ្នំក្រវាញ ត្រង់ចំណុចភូមិទួលក្រួស សង្កាត់ចំរើនផល ក្រុងពោធិ៍សាត់ កាលពីថ្ងៃទី១៨ កក្កដា ២០១២ វេលាម៉ោង៧និង២០នាទីយប់ ។
ប៉ូលិសចរាចរក្រុងពោធិ៍សាត់ ឱ្យដឹងថា ជនរងគ្រោះជាប្រពន្ធដែលស្លាប់ឈ្មោះតូច សុខជា អាយុ៣០ឆ្នាំ មានផ្ទៃពោះ ឯប្តីឈ្មោះយីម អាយុ៣១ឆ្នាំ បាក់ជើងម្ខាងរបួសយ៉ាងធ្ងន់ធ្ងរ។ ទាំងពីរនាក់រស់នៅភូមិស្ទឹងតូច សង្កាត់រលាប ក្រុងពោធិ៍សាត់ ជិះម៉ូតូម៉ាកឌ្រីម C125 ពណ៌ខ្មៅ ស៊េរីឆ្នាំ២០០៨ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
បញ្ចូលអត្ថបទ ៖ បុប្ផា កោះ
ផ្តល់សិទ្ធដោយ កោះសន្តិភាព
ជិះម៉ូតូបុកគោយន្តដួល រថយន្តមកពីមុខកិនប្រពន្ធមានផ្ទៃពោះស្លាប់ ប្តីបាក់ជើង
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
