ខេត្តកំពង់ចាម ៖ បុរសម្នាក់ដែលមានចិត្តរេដូចចុងស្រល់ ឈ្មោះអោក ធារិទ្ធ ហៅដា អាយុ៣២ឆ្នាំ រស់នៅភូមិត្រពាំងជ្រៃ ឃុំក្រឡា ស្រុកកំពង់សៀម ហើយត្រូវបានសមត្ថកិច្ចអះអាងថា មានប្រពន្ធដល់ទៅ៥នាក់ហើយនៅតែមិនស្កប់ស្កល់ បែរជាបែកគំនិតពង្រត់នារីវ័យក្មេងអនីតិជនម្នាក់ ទើបអាយុ១៥ឆ្នាំ ក្នុងចេតនាយកទៅធ្វើប្រពន្ធទី៦របស់ខ្លួន តែបានរយៈពេល៣ថ្ងៃប៉ុណ្ណោះ ត្រូវបានសមត្ថកិច្ចក្រោមបញ្ជារបស់លោកឧត្តមសេនីយ៍ត្រី ឆាយ គឹមសុន ស្នងការនគរបាលខេត្ត ចាប់ខ្លួនបុរសកំហូចនេះនៅចំណុចព្រំដែនត្រពាំង ផ្លុង ស្រុកពញាក្រែក ជាប់ប្រទេសវៀតណាម មកកាន់ស្នងការនគរបាលខេត្ត ។
ទាក់ទងនឹងករណីនេះ ត្រូវបានលោកវរសេនីយ៍ត្រី ថុល ម៉េង នាយរងការិយាល័យប្រឆាំងការជួញដូរមនុស្ស និងការពារអនីតិជនខេត្ត ប្រាប់កោះសន្តិភាពឱ្យដឹងថា បុរសសង្ស័យឈ្មោះដា នេះបានប្រើល្បិចលួងលោមក្មេងស្រីឈ្មោះ ស.ស.ភ ចេញពីឃុំក្រឡា ស្រុកកំពង់សៀម កាលពីព្រឹកថ្ងៃទី១១ កក្កដា មកដេកនៅផ្ទះសាច់ញាតិរបស់ខ្លួននៅម្តុំរោងចក្រកាត់ ដេរ ស្ថិតនៅឃុំអំពិល ស្រុកកំពង់សៀម ដោយបានរួមភេទជាមួយនាងបានសម្រេចដល់ទៅ២លើក។
លោកវរសេនីយ៍ត្រីបន្តថា រហូតមកដល់ព្រឹកថ្ងៃទី១២ កក្កដា ជនសង្ស័យឈ្មោះដា បាននាំនាង ស.ស.ភ ឡើងជិះរថយន្តឈ្នួលឆ្ពោះទៅកាន់ព្រំដែនត្រពាំងផ្លុង ដើម្បីរកការងារធ្វើនៅក្នុងកាសីុណូ ។ នៅពេលយប់ក៏បាននាំគ្នាសម្រាកនៅក្នុងបន្ទប់ផ្ទះជួលមួយ កន្លែង ព្រមទាំងបានរួមភេទបានចំនួន២លើកទៀត ។ ចំណែកអ្នកអាណាព្យាបាលនៅពេលបាត់កូនស្រី ត្រូវបានស្ត្រីជាម្តាយដាក់ពាក្យបណ្តឹងនៅប៉ុស្តិ៍ រដ្ឋបាលឃុំក្រឡា ឱ្យជួយអន្តរាគមន៍តាមរក តែពុំមានតម្រុយបន្តិចណាសោះ រហូតដល់ព្រឹកថ្ងៃទី១៣ កក្កដា ម្តាយនាងបានព្យាយាមទូរស័ព្ទចូលនិយាយជាមួយកូនស្រី ឈ្មោះ ស.ស.ភ កំពុងស្ថិតនៅច្រកព្រំដែនត្រពាំងផ្លុង តែត្រូវបានបុរសកំហូចរូបនេះបង្គាប់ឱ្យនាងឆ្លើយ ថា នៅបាវិតខេត្តស្វាយរៀង ដើម្បីបង្វែងដាន ព្រមទាំងគំរាមឱ្យស្រ្តីជាម្តាយដកពាក្យបណ្តឹងវិញ ទើបកូនស្រីអាចវិលត្រឡប់ទៅផ្ទះវិញបាន ។
ទោះបីជាបែបនេះក្តី ត្រូវបានលោកឧត្តមសេនីយ៍ត្រី ឆាយ គឹមសុន ស្នងការនគរបាលខេត្ត និងលោកវរសេនីយ៍ឯក ជឹម សេងហុង ស្នងការរងនគរបាលខេត្ត បានចាត់ឱ្យកម្លាំងជំនាញប្រើប្រាស់គ្រប់នីតិវិធី ដើម្បីស្រាវជ្រាវរកកន្លែងដែលសង្ស័យ ។ លុះនៅម៉ោង៥ល្ងាចថ្ងៃដដែល សមត្តកិច្ចបានរំដោះក្មេងស្រីជាអនីតិជនចេញពីក្នុង កាសីុណូមួយកន្លែងនៅត្រពាំងផ្លុងប្រគល់ឱ្យម្តាយវិញ ។ ចំណែកបុរសកំហូចឈ្មោះដា ត្រូវបានចាប់ខ្លួនបញ្ជូនទៅកាន់ស្នងការដ្ឋាននគរបាលខេត្ត ជាបន្ទាន់ផងដែរ ។
ក្មេងស្រីឈ្មោះ ស.ស.ភ អាយុ១៥ឆ្នាំ បានបំភ្លឺថា រយៈពេលកន្លងមកនាងតែងតែនៅចាំផ្ទះជាមួយនឹងប្អូន ស្រីអាយុ១០ឆ្នាំ ចំណែកបងៗទៅធ្វើការនៅស្រុកឆ្ងាយ ហើយឪពុកម្តាយចេញទៅធ្វើការនៅក្រៅផ្ទះបាត់ៗរាល់ ថ្ងៃ ។ នាងត្រូវបានបុរសឈ្មោះដា រស់នៅភូមិត្រពាំងជ្រៃ ឃុំក្រឡា បានចេញចូលមកលេងផ្ទះនាងរាល់ថ្ងៃ ព្រមទាំងលួងលោមសុំស្រឡាញ់នាងទៀតផង ។ លុះនៅថ្ងៃទី១១ កក្កដា ពេលព្រឹក ឪពុកនាង និងអ្នកជិតខាង ព្រមទាំងបុរសឈ្មោះដា បានមកអង្គុយលេង ផឹកស្រានៅក្រោមផ្ទះរបស់នាង ក្រោយពេលហូបបាយថ្ងៃត្រង់រួច ពេលនាងកំពុងតែអង្គុយនៅលើផ្ទះ បុរសឈ្មោះដា បានឡើងមកលើផ្ទះតាមប្រហោងជញ្ជាំងមកចាក់បាស់ឮៗ ហើយចាប់បីនាងដាក់លើគ្រែ ហើយរំលោភសេពសន្ធវៈបានម្តង ហើយបានអង្វរសុំនាងធ្វើជាប្រពន្ធ ។
ក្មេងស្រីនេះបានបន្តថា ដោយខ្លាចខ្មាស់គេ នាងពុំយករឿងនេះប្រាប់ឪពុកម្តាយឱ្យបានដឹងទេ និងដោយសារតែមានការលួចទាក់ទងគ្នាញឹកញាប់បុរសនេះ បានណាត់ឱ្យនាងទៅជួបនៅម្តុំមុខរោងចក្រកាត់ដេរនៅឃុំ អំពិល ស្រុកកំពង់សៀមព្រមទាំងបាននាំនាងទៅដេកនៅផ្ទះជួលបងប្អូន បុរសនោះមួយយប់ថ្ងៃទី១១ កក្កដា ។ លុះព្រឹកថ្ងៃទី១២ កក្កដា ក៏នាំគ្នាឡើងជិះរថយន្តចេញទៅព្រំដែនត្រពាំងផ្លុង ហើយនៅព្រឹកថ្ងៃទី១៣ កក្កដា នាងបានជិះម៉ូតូឌុបទៅកាសីុណូមួយកន្លែង ដើម្បីរកការងារធ្វើ តែនៅវេលាល្ងាចនោះត្រូវបានម្តាយតាមរកឃើញ និងនាំនាងមកផ្ទះវិញ ។ ក្មេងស្រីរូបនោះនិយាយថា ពេលវេលាដែលនាងនៅជាមួយបុរសនោះ គឺតែងត្រូវបង្ខំនាងរួមរ័ករហូត ។
លោកវរសេនីយ៍ត្រី ថុល ម៉េង នាយរងការិយាល័យប្រឆាំងការជួញដូរមនុស្សបានបញ្ជាក់ថា បុរសចិត្តរេដូចចុងស្រល់នេះមានប្រពន្ធដល់ទៅ៥នាក់មក ហើយ និងបម្រុងយកមួយទៀតគម្រប់៦នាក់ប្រាសចាកខុសគន្លង ប្រពៃណី ក៏ត្រូវបានសមត្ថកិច្ចចាប់ខ្លួនបញ្ជូនទៅកាន់សាលាដំបូង ខេត្តចាត់ការតាមច្បាប់ ។
សូបបញ្ជាក់ថា ប្រពន្ធទី១ដល់ទី៥ត្រូវបានបុរសនេះលែងលះអស់ហើយ គឺយកលែងយកលែងគ្មានប្រាកដមួយណាទេ ប្រៀបដូចជាកំពូលព្រាននារីម្នាក់ដែលច្បាប់មិនអនុគ្រោះ ឡើយ ៕
បញ្ចូលអត្ថបទ ៖ បុប្ផា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
