រាជធានីភ្នំពេញ ៖ អតីតតារាចម្រៀងប្រចាំផលិតកម្ម Rock នាងសន សូលីនកា បានបាត់មុខក្នុងវិស័យសិល្បៈមួយរយៈធំ ខណៈពេលដែលតារារូបនេះបានបញ្ចប់កុងត្រាជាមួយផលិតកម្ម Rock និងក្រោយរៀបការរួច ។
ក្រោយពីបាត់មុខមួយរយៈនេះធ្វើឱ្យប្រិយ មិត្តដែលធ្លាប់ តែគាំទ្រទឹកដមសំនៀងរបស់នាងបាននាំគ្នានិយាយថា សូលីនកា អាចនឹងបញ្ចប់អាជីពចម្រៀងរបស់នាងនៅពេលដែលតារារូបនេះស្ងប់ ស្ងាត់មិនមានបទចម្រៀងចេញថ្មីៗ ។ មហាជនខ្លះនិយាយថា សន សូលីនកា ប្រហែលជាបញ្ចប់ជីវិតសិល្បៈ ហើយងាកទៅធ្វើជាមេផ្ទះវិញ បន្ទាប់ពីរូបនាងបានរៀបការជិត២ឆ្នាំមកនេះ។
ទាក់ទិនបញ្ហាខាងលើកោះសន្តិភាពមិនអាចទាក់ ទងសុំការបំភ្លឺពីនាងសន សូលីនកា បានទេ ព្រោះលេខទូរស័ព្ទរបស់នាងមិនអាចទទួលការហៅចូល។
ទោះជាយ៉ាងណា បើយោងតាមប្រភពព័ត៌មានពីអ្នកដែលស្និតស្នាលជាមួយសន សូលីនកា បានឱ្យដឹងថា សូលីនកាមិនបានឈប់ពីសិល្បៈឡើយ គឺគ្រាន់តែផ្អាកមួយរយៈប៉ុណ្ណោះ ហើយកន្លងមកក៏ធ្លាប់ឮថា នាងមានបំណងចង់ប្តូរផលិតកម្មផងដែរ ។
កន្លងមកសន សូលីនកា គឺជាតារាចម្រៀងលេចធ្លោម្នាក់ប្រចាំផលិតកម្ម Rock ក្នុងនោះបទចម្រៀងដែលធ្វើឱ្យនាងល្បីល្បាញនោះតាមរយៈបទ «យំមិនឆ្អែត» និងបទ «អូនផឹកដើម្បីបង»។ ក្រោយមកទៀតនៅឆ្នាំ២០១១ សន សូលីនកា រួមជាមួយអ្នកចម្រៀងរួមក្រុមដែលមានដូចជា ម៉ុកអានីត ផន នីដា និងអ៊ុត ចរិយា បានចេញអាល់ប៊ុមចម្រៀងដែលមានឈ្មោះថា Rock Elite ដែលវ៉ុលនេះទទួលបានការគាំទ្រគួរសមពីសំណាក់មហាជនតាមរយៈបទ Facebook Lover ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
បញ្ចូលអត្ថបទ ៖ បុប្ផា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]