រាជធានីភ្នំពេញ ៖ បុរសម្នាក់ដែលទើបតែរៀបការប្រពន្ធបានជាង២ខែប៉ុណ្ណោះ សម្រេចលេបថ្នាំងងុយដេកប៉ុនប៉ងសុំសម្លាប់ខ្លួនតូចចិត្តនឹង ម្តាយក្មេកដកហូតយកម៉ូតូមិនឱ្យជិះ ព្រោះតែខឹងកូនប្រសានេះជិះម៉ូតូដោះគ្រឿងយកទៅបញ្ចាំ រួចដើរស៊ីផឹកមិនគិតពីប្រពន្ធ ។ ហេតុការណ៍នេះ បានកើតឡើងកាលពីវេលាម៉ោង៥និង២០នាទីល្ងាចថ្ងៃទី២១ មិថុនា ២០១២ នៅតាមបណ្តោយផ្លូវលេខ២៧១ ខាងត្បូងវិទ្យាល័យជាស៊ីមសាមគ្គី ក្នុងសង្កាត់បឹងសាឡាង ខណ្ឌទួលគោក ។
ក្រោយពីលេបថ្នាំសម្លាប់ខ្លួនរួចបុរសរង គ្រោះបានដើរចេញពីផ្ទះជួលនៅក្នុងសង្កាត់ទឹកថ្លា មកដេកដួលលើចិញ្ចើមផ្លូវ ហើយត្រូវបានប្រពន្ធបញ្ជូនទៅសង្គ្រោះនៅមន្ទីរពេទ្យរួចផុតពីការ ស្លាប់។ ស្ត្រីជាប្រពន្ធបានបន្តថា ម៉ូតូនេះម្តាយរបស់ខ្លួនជាអ្នកទិញឱ្យដើម្បីឱ្យប្តីជិះទៅធ្វើ ការជាសន្តិសុខ តែទើបចូលធ្វើការជាសន្តិសុខបានតែ១ថ្ងៃប៉ុណ្ណោះ ក៏កើតរឿងបែបនេះ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
បញ្ចូលអត្ថបទ ៖ បុប្ផា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]