រាជធានីភ្នំពេញ ៖ មានការផ្អើលមួយបានកើតឡើងដោយសារផ្ទុះកំប៉ុងហ្គាសឱ្យឆាបឆេះ សាំងដបជិត១០ដប ហើយឆ្លងរាលដាលទៅឆេះម៉ូតូ២គ្រឿង ម៉ាកគុប និងស្មាស់អស់មួយកំណាត់ខាងមុខ និងបណ្តាលឱ្យស្ត្រីម្នាក់ទើបសម្រាលកូនភ័យរហូតសន្លប់ ។ ហេតុការណ៍នេះ កើតឡើងកាលពីវេលាម៉ោង២ និង១៥នាទីរសៀលថ្ងៃទី១៤ មិថុនា នៅផ្ទះលក់គ្រឿងទេស និងជួសជុលម៉ូតូ លក់សាំងលេខ១៣A ផ្លូវលេខ៥៧BT ក្រុម៣ ភូមិត្នោតជ្រុំ សង្កាត់បឹងទំពុន ខណ្ឌមានជ័យ ។
ដោយឡែកស្ត្រីម្នាក់ដែលទើបសម្រាលកូនមានផ្ទះ នៅជិតកន្លែងកើតហេតុ ពេលឃើញហេតុការណ៍បែបនេះ ភ័យស្លន់ស្លោរហូតសន្លប់បាត់ស្មារតី។ ម្ចាស់ម៉ូតូគុបជ្រុងឈ្មោះថាន សិលា ភេទប្រុស អាយុ២២ឆ្នាំ ស្នាក់នៅភូមិសន្សំកុសល៣ ផ្ទះលេខ៩០B ផ្លូវ៤៣BT សង្កាត់បឹងទំពុន ខណ្ឌមានជ័យ ។ ចំណែកម្ចាស់ម៉ូតូស្មាស' ឈ្មោះប៊ឿយ ទូច ភេទប្រុស អាយុ៤៥ឆ្នាំ ជាបុគ្គលិកអង្គការមួយ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង ៕
បញ្ចូលអត្ថបទ ៖ ស្រីណា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
