កែច្នៃវ៉ាលីធម្មតា ទៅជាវ៉ាលី អេឡិចត្រូនិច ដែលអាចជិះបាន មានល្បឿនដល់ទៅ ២០គីឡូម៉ែត្រ ក្នុងមួយម៉ោង

កាលពីពេលថ្មីៗនេះ បុរសជនជាតិចិនម្នាក់ បានកែច្នៃវ៉ាលីធម្មតាមួយ ឲ្យទៅជាវ៉ាលីអេឡិចត្រូនិច ដែលអាចជិះបាន ដូចជាម៉ូតូអីចឹង ហើយវាមានល្បឿនលឿនបំផុត រហូតដល់ទៅ២០គីឡូម៉ែត្រឯណោះ ក្នុងមួយម៉ោង ដែលមើលទៅពិតជាឡូយមែនទែន។

យោងតាមប្រភពព័ត៌មាន បានឲ្យដឹងថា បុរសជនជាតិចិន ដែលបានកែច្នៃវ៉ាលីធម្មតា ឲ្យទៅជាវ៉ាលីអេឡិចត្រូនិច ដែលអាចជិះបាន ដូចជាម៉ូតូនោះ មានឈ្មោះថា He Liangcai គឺជាកសិករ នៅក្នុងខេត្ត Hunan មានស្រុកកំណើតនៅក្នុងទីក្រុង Changsha នៃប្រទេសចិន។ លោក He បានកែច្នៃ វ៉ាលីអេឡិចត្រូនិចនេះឡើង ដោយអាចឲ្យមនុស្សជិះបាន ម្នាក់ ឬ២នាក់។

ជាងនេះទៅទៀត វ៉ាលីអេឡិតត្រូនិច ដែលបង្កើតឡើងដោយស្នាដៃ បុរសជាកសិករ ជនជាតិចិនរូបនេះ គឺប្រើប្រាស់ថាមពលថ្ម ហើយពេលសាកថ្មពេញម្តងៗ អាចជិះបានចំណាយប្រមាណជា ៦០គីឡូម៉ែត្រឯណោះ ដែលវាពិតជាគ្រប់គ្រាន់ សម្រាប់ជិះលេងកំសាន្ត ទៅណាមកណាម្តងៗ៕

យល់យ៉ាងណាដែរប្រិយមិត្ត ឡូយឬទេ? តើចង់សាកល្បងជិះដែរឬទេ?

លោក He Liangcai កំពុងជិះវ៉ាលី អេឡិចត្រូនិចរបស់គាត់

សូម្បីតែប៉ូលីសក៏ចង់សាកល្បងដែរ!

ប្រភព ៖ ចិន

កែសម្រួដោយ ៖ ប៊ី

ខ្មែរឡូត