រាជធានីភ្នំពេញ ៖ រថយន្ត Triton ពណ៌ខ្មៅ មួយគ្រឿង ដែលអ្នកបើកបររវល់ឱនរើសទូរស័ព្ទ បានជ្រុលទៅបុកគូទរថយន្តតាក់ស៊ីម៉ែត្រ ពណ៌លឿង ដែលឈប់ចតនៅចិញ្ចើមផ្លូវបណ្តាលឱ្យស្រុញគូទក្រោយ ។ ហេតុការណ៍នេះ បានកើតឡើងកាលពីវេលាម៉ោង១ និង៣០នាទីរំលងអធ្រាត្រឈានចូលថ្ងៃទី៥ មិថុនា នៅកែងមហាវិថីម៉ៅសេទុង និងផ្លូវលេខ៩៥ ក្នុងសង្កាត់បឹងកេងកង៣ ខណ្ឌចំការមន ។
ប្រភពព័ត៌មាននៅកន្លែងកើតហេតុឱ្យដឹងថា រថយន្ត Triton ពណ៌ខ្មៅ បើកបរតាមមហាវិថីម៉ៅសេទុង ពីត្បូងទៅជើង ស្របទិសគ្នាជាមួយរថយន្តតាក់ស៊ីម៉ែត្រ ពណ៌លឿង លុះមកដល់ចំណុចខាងលើ រថយន្តតាក់ស៊ីម៉ែត្រក៏បានអែបឈប់នៅចិញ្ចើមផ្លូវ ។ ចំណែកអ្នកបើករថយន្ត Triton រវល់តែឱនរើសទូរស័ព្ទដៃដែលជ្រុះ ក៏ជ្រុលចង្កូតទៅបុកគូទរថយន្តតាក់ស៊ីម៉ែត្របណ្តាលឱ្យស្រុញគូទ ខាងក្រោយ ។
ក្រោយពេលកើតហេតុ អ្នកបើករថយន្តTriton បានទទួលកំហុសថាគាត់រវល់តែឱនរើសទូរស័ព្ទទើបជ្រុលទៅបុកគូទបែប នេះ ។ ដោយសាររថយន្តតាក់ស៊ីម៉ែត្រមានក្រុមហ៊ុនធានារ៉ាប់រង ទើបរង់ចាំខាងក្រុមហ៊ុនមកធ្វើការវាយតម្លៃខូចខាត លុះពេលខាងក្រុមហ៊ុនធានារ៉ាប់រងទៅដល់កន្លែងកើតហេតុបានទាម ទារឱ្យខាងរថយន្ត Triton សងការខូចខាតចំនួន៣៥០ដុល្លារ តែម្ចាស់រថយន្តសុំត្រឹម៣០០ដុល្លារ ៕
បញ្ចូលអត្ថបទ ៖ ស្រីណា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
