ប្រជាពលរដ្ឋកម្ពុជា កាន់តែច្រើន បានយល់ ពីតម្លៃ នៃការបោះឆ្នោត

ភ្នំពេញៈ ប្រជាពលរដ្ឋកម្ពុជា បន្ទាប់ពីឆ្លងកាត់ ការបោះឆ្នោតជាច្រើនដង ចាប់តាំងពីរឆ្នាំង១៩៩៣មក ក្រោមការ ជួយឃ្លាំមើល និងសម្របសម្រលដោយអង្គការសហប្រជាជាតិនោះ រហូតមកដល់ពេលបច្ចុប្បន្នគេសង្កេតឃើញ ថា ប្រជាពលរដ្ឋកាន់តែច្រើននាក់ បានយល់ និងឲ្យតម្លៃទៅលើសន្លឹកឆ្នោតរបស់ខ្លួន ក្នុងការជ្រើសតំណាង។ ជាក់ស្តែងនៅម៉ោង៧ ព្រឹកថ្ងៃអាទិត្យ ទី០៣ ខែមិថុនា ឆ្នាំ២០១២នេះ នៅតាមមណ្ឌលបោះឆ្នោតនៅក្នុងរាជធានី ភ្នំពេញ និងតាមបណ្តាខេត្តនានាទូទាំងប្រទេស គេសង្កេតឃើញមានប្រជាពលរដ្ឋបានរូតរះ សស្រាក់សស្រាំធ្វើ ដំណើរទៅកាន់មណ្ឌលបោះឆ្នោតរៀងខ្លួនៗនៅតាមមូលដ្ឋាន ដើម្បីចូលរួមបោះឆ្នោតជ្រើសក្រុមប្រឹក្សាឃុំ-សង្កាត់ ដែលជាតំណាងរបស់ខ្លួនទៅតាមឆន្ទះ។

ជាមួយគ្នានេះគេកត់សម្គាល់ផងដែរថា ចាប់ពីបើកមណ្ឌលបោះឆ្នោតនាវេលាម៉ោង ៧ព្រឹកមក មិនទាន់បាតុភាពអ្វី គួរឲ្យកត់សម្គាល់នៅតាមមណ្ឌល បោះឆ្នោតនោះទេ។

គួរបញ្ជាក់ថា ដំណើរការបោះឆ្នោតជ្រើសរើសឃុំ-សង្កាត់អាណត្តិទី៣ ចាប់ផ្តើមដំណើរការនៅវេលាម៉ោង ៧ព្រឹក រហូតដល់ម៉ោង៣រសៀលថ្ងៃទី០៣ ខែមិថុនា ឆ្នាំ២០១២ ដែលមានអ្នកបោះឆ្នោតសរុប ចំនួន ៩.២០៣.៤៩៣ នាក់ នៅ ១.៦៣៣ ឃុំ-សង្កាត់ ទូទាំងប្រទេស ។ រីឯការិយាល័យបោះឆ្នោតមានចំនួន ១៨.១០៧ ការិយាល័យ។

គ.ជ.ប. បានប្រកាសថា មាន ១០ គណបក្សនយោបាយ បានដាក់ពាក្យសុំចុះបញ្ជីបេក្ខជនឈរឈ្មោះបោះឆ្នោតជ្រើសរើស ក្រុមប្រឹក្សាឃុំ សង្កាត់ អាណត្តិទី៣។ ក្នុងនោះ មានតែគណបក្សប្រជាជនកម្ពុជាប៉ុណ្ណោះ បានដាក់បេក្ខជននៅទូទាំង ១.៦៣៣ ឃុំសង្កាត់ ទូទាំងប្រទេស៕ 

លោក គួច ចំរើន អភិបាលខណ្ឌមានជ័យ បានបោះឆ្នោតរួចរាល់ហើយ

លោក ឃ្លាំង ហួត អភិបាលខណ្ឌឬស្សីកែវ

លោក នុត ពុធដារ៉ា អភិបាលខណ្ឌដង្កោ

ផ្តល់សិទ្ធដោយ ដើមអម្ពិល