បុរសម្នាក់កាន់កំាបិតដើរចាក់ កូនក្មេង និង មនុស្សចាស់ ៣១ នាក់

ហេតុការណ៍ដ៏គួរអោយរន្ធត់និង តក់ស្លុតមួយបានកើតឡើង ដោយសារតែបុរសម្នាក់បាន កាន់កាំបិតដើរចូលទៅក្នុង កន្លែងក្មេងលេង នៅសាលាមត្តេយ្យមួយ ហើយបានចាក់កូនក្មេង និង អ្នកគ្រូ សរុបទាំងអស់ ៣១ នាក់ មានខ្លះបានស្លាប់និង ខ្លះទៀតរងរបួសធ្ងន់។

តាមប្រភពព័ត៌មានបានអោយដឹងថា នៅសាលាមត្តេយ្យមួយ ក្នុង ទីក្រុង Taixing មានហេតុការណ៍ដ៏រន្ធត់ បានកើតឡើង ដោយសារតែបុរសអាយុ ៤៧ ឆ្នាំម្នាក់បានកាន់កាំបិតដើរចូល ទៅចាក់សិស្សសាលា ចំនួន ២៨ នាក់ អ្នកគ្រូ ២ នាក់និង សន្តិសុខម្នាក់ ដែលសរុបទាំងអស់គឺ ៣១ នាក់ ហើយបានបណ្តាលអោយសិស្ស ចំនួន ២០ នាក់របួសធ្ងន់ និង ៤ នាក់ទៀតបានស្លាប់បាត់បង់ជីវិត។ គួរបញ្ជាក់ផងដែរថា ប៉ូលិសបានឃាត់ខ្លួន បុរសបន្កហេតុយកទៅសួរ ចម្លើយហើយត្រូវបាន ខាងគ្រូពេទ្យប្រាប់អោយដឹងថា គាត់មានជំងឺសសៃប្រសាទ ទៀតផង ដូច្នេះហើយគេមិនទាន់បាន ដឹងថា ខាងប៉ូលិសត្រូវដោះស្រាយយ៉ាងណាចំពោះរូបគាត់នោះទេ ព្រោះតែប៉ូលិសមិនទាន់បានរកឃើញ អត្តសញ្ញាណក៏ដូចជា ក្រុមគ្រួសាររបស់គាត់នៅឡើយ។

ដោយ ៖ អម្រិត

ខ្មែរឡូត

សូមប្រិយមិត្តជួយចុច add comment ដើម្បីបញ្ចេញមតិ។