កញ្ញា សុគន្ធ នីសា សំណូមពរ អោយផលិតកម្មចម្រៀង បញ្ឈប់ការចេញលក់ ចម្រៀងដែលមានតួអង្គ ធ្វើអត្តឃាត

បន្ទាប់ពីមានករណី ហ្វ្រេស​ស៊ីប៊យ បានសម្លាប់ខ្លួន ដោយសារតែខកចិត្តរឿងស្នេហានោះ យើងបានឃើញនៅលើ Page របស់កញ្ញា សុគន្ធ នីសា បានសរសេរសំណូមពរ ទៅដល់ផលិតកម្ម អំពី សាច់រឿងមួយចំនួនដែលបាន ប៉ះពាល់ទៅដល់ មិត្តយុវវ័យ។

តារាចម្រៀងដែលកំពុងទទួលបាន ការគាំទ្រពីសំណាក់មិត្តយុវវ័យ សុគន្ធ នីសា បានសរសេរនៅលើ Page របស់នាង បន្ទាប់ពីមានករណី ហ្វ្រេស​ស៊ីប៊យ ម្នាក់បានលោតទឹកសម្លាប់ខ្លួន ដែលនៅក្នុង នោះនាងបានសសេរថា ៖ "សូមសំណូមពរទៅដល់ផលិតកម្មចម្រៀង ក្នុងស្រុកមួយ បញ្ឃប់ការចេញលក់ និង ផ្សព្វផ្សាយវីដេអូចម្រៀង ដែលមានរូបភាព តួអង្គក្នុងសាច់រឿងធ្វើអត្តឃាតខ្លួនឯង និង ការសេពគប់គ្រឿងញៀន ប្រើប្រាស់អាវុធខុសច្បាប់ ញឺកញាប់។ វីឌីអូនេះជះឥទ្ធិពលដល់យុវវ័យ និងសង្គមយ៉ាងធ្ងន់ធ្ងរ។ សូមយុវវ័យគិតគូរដល់ការរៀនសូត្រ និង គ្រួសារជាសំខាន់។ អរគុណ"

តើប្រិយមិត្តយល់យ៉ាងណាដែរចំពោះ សំណូមពររបស់កញ្ញា ?

ដោយ ៖ អម្រិត

ខ្មែរឡូត

សូមប្រិយមិត្តជួយចុច Add Comment ដើម្បីបញ្ចេញមតិ។