រាជធានីភ្នំពេញ ៖ សពយុវជនម្នាក់ ត្រូវបានអ្នកនេសាទខ្មែរអ៊ិស្លាម និងប៉ូលិសរុករកឃើញនៅក្នុងទន្លេសាបចម្ងាយប្រមាណ៥០ម៉ែត្រ ពីក្រោមស្ពានជ្រោយចង្វាបង្កឱ្យមានការភ្ញាក់ផ្អើលកាលពីវេលាម៉ោង៤ និង៤៥នាទីថ្ងៃទី២៤ ឧសភា ២០១២ ក្រោយពេលជិត២ម៉ោងនៃការលោតចូលទន្លេ ។
យុវជនរងគ្រោះឈ្មោះសុខ វីរៈ អាយុ១៨ឆ្នាំ រស់នៅសង្កាត់បឹងសាឡាង ខណ្ឌទួលគោកធ្លាប់ជាប់ហ្វ្រេស៊ីប៊យលេខ៤ នៅវេទិកាទូរទស្សន៍លេខ៣ ។ ការដែលលោតទឹកសម្លាប់ខ្លួននេះ ត្រូវបានគេអះអាងថា តូចចិត្តសង្សារសុំចែកផ្លូវ ...។គួររំលឹកថា បុរសម្នាក់បានជិះម៉ូតូទៅដល់ពាក់កណ្តាលស្ពានជ្រោយចង្វា ហើយលោតចូលទៅក្នុងទន្លេសាបបាត់ខ្លួន ដែលមើលទៅនាំចិត្តឱ្យរន្ធត់ និងមានការភ្ញាក់ផ្អើលកាលពីវេលាម៉ោង៣ និង២០នាទីរសៀលថ្ងៃទិ២៤ ឧសភា ២០១២ ហើយពេលនោះ ប៉ូលិសយាមស្ពានកំពុងស្វែងរកមើល ក្រែងឃើញមនុស្ស ហែល ឬអណ្តែត ។
សាក្សីនិយាយថា បុរស ដែលលោតចូលទៅក្នុងទន្លេសាប ហើយលិចបាត់នេះ បានបន្សល់ទុកម៉ូតូម៉ាកអាយខន ពណ៌ទឹកក្រូច លាយខ្មៅ១គ្រឿងលើស្ពាន ធ្វើអ្នកដំណើរចោមរោមមើលពីលើស្ពានជ្រោយចង្វា ក្រែងឃើញមនុស្សអណ្តែតឡើង ...។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង ៕
ផ្តល់សិទ្ធដោយ កោះសន្តិភាព
ខឹងសង្សារ បែកចិត្តលោត ទឹកសម្លាប់ខ្លួន
ភ្នំពេញ ៖ យុវជនជាសិស្ស សាលាម្នាក់បានដាច់ចិត្ត លោតទឹកពីលើស្ពានជ្រោយចង្វារ ដើម្បីសម្លាប់ខ្លួន ដោយសារតែ ជនរងគ្រោះរូបនេះ តូចចិត្តនៅពេលសង្សារ ជាទីស្រឡាញ់របស់ខ្លួន បែកចិត្ត ហើយទៅស្រឡាញ់ប្រុសផ្សេង ។
សពយុវជន សុខ វិរៈ អាយុ១៨ឆ្នាំ ជាសិស្សថ្នាក់ទី១២ នៅវិទ្យាស្ថានឯកជនមួយ រស់នៅសង្កាត់បឹងសាឡាង ខណ្ឌទួលគោក ត្រូវបានសមត្ថកិច្ចរាវរកឃើញ កាលពីវេលាម៉ោង ៥ល្ងាច ថ្ងៃទី២៤ ខែឧសភា នេះ បន្ទាប់ពីជនរងគ្រោះ បានដាច់ចិត្តលោតទឹកពីលើបង្កាន់ដៃស្ពាន នៅចំណុចកណ្តាលស្ពាន កាលពីវេលាម៉ោង ៣រសៀល ។
យោងតាមប្រភពព័ត៌មាន ពីសមត្ថកិច្ច ប្រចាំគោលដៃស្ពានជ្រោយចង្វារ បានថ្លែងថា មុនពេលកើតហេតុ យុវជនរងគ្រោះ បានជិះម៉ូតូ ម៉ាកអាយខុន ជាមួយមិត្តភក្តិម្នាក់ទៀត លុះមកដល់ចំណុចកណ្តាល ស្រាប់តែជនរងគ្រោះ បានឈប់ម៉ូតូ ហើយលោតពីលើស្ពានតែម្តង ដែលមិត្តភក្តិជួយមិនទាន់ ។
ក្រោយពីមានហេតុការណ៍នេះ កើតឡើង និងលេចឮទៅដល់សាច់ញាតិ និងក្រុមគ្រួសារ ទើបពួកគេប្រញាប់មកកន្លែងកើតហេតុ និងជួលមនុស្សឲ្យរាវ ទើបប្រទះឃើញសពយុវជន រយៈពេល ២ម៉ោងក្រោយកើតហេតុ ។
បច្ចុប្បន្ន សពយុវជនរងគ្រោះ ត្រូវបានសមត្ថកិច្ចប្រគល់ជូនក្រុមគ្រួសារ យកទៅធ្វើបុណ្យតាមប្រពៃណី ៕
ផ្តល់សិទ្ធដោយ ដើមអម្ពិល
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
