យោងទៅតាមប្រភពព័ត៌មានពីគេហទំព័រហូលីវូដ ចេញផ្សាយកាលពីថ្ងៃអង្គារទី២២ ឧសភា ឆ្នាំ២០១២ បានឱ្យដឹងថា នៅក្នុងឱកាសបើកមហោស្រពភាពយន្តទីក្រុងកានប្រទេសបារាំង មានមហាសេដ្ឋីជំនួញបារាំងម្នាក់បានផ្ញើសារបញ្ជូនទៅសុំគេងជា មួយតារាសម្តែង Kelly Brook ១យប់ដោយឱ្យតម្លៃឈ្នួល១លានយូរ៉ូដែលស្មើនឹង១,២៧៩៧លានដុល្លារ សហរដ្ឋអាមេរិក ។
គេហទំព័រដដែលនោះមិនបានបង្ហាញអត្តសញ្ញាណមហា សេដ្ឋីនោះឱ្យបានច្បាស់លាស់ទេ ដោយគ្រាន់តែប្រាប់ថា មហាសេដ្ឋីនោះឈ្មោះ Frederic ដែលបានចូលរួមក្នុងមហោស្រពបញ្ចាំងខ្សែភាពយន្ត ហើយក៏បានផ្ញើសាររួចដើរទៅជិតនាង ហើយបានផ្តល់ជូនមូលប្បទានប័ត្រ(សែក) ឱ្យនាងជាថ្នូរទៅនឹងការសុំគេងជាមួយដែលមានសាច់សខ្ចី១យប់ ។
នៅពេលទទួលបានសែកនោះភ្លាមតារាសម្តែងវ័យ៣២ ឆ្នាំ ដែលសម្បូរមន្តស្នេហ៍នៅលើដើមទ្រូងមិនបានចាប់អារម្មណ៍នោះទេ ដោយស្មានថា ជាការលេងសើចដែលរៀបចំឡើងដោយតួកំប្លែង Keith Lemon ដែលនាងកំពុងតែជួយផ្សព្វផ្សាយខ្សែភាពយន្តឱ្យ ។
ទោះជាយ៉ាងណាក៏ដោយ មហាសេដ្ឋីនោះបានព្យាយាមចូលមកជិតនាងជាមួយនឹងពាក្យអង្វរថា ខ្ញុំចង់ដេកជាមួយអ្នក១យប់ខ្ញុំមានលុយច្រើន ។ គ្រាន់តែឮពាក្យអង្វរដែលផុសចេញពីបេះដូងបុរសនោះភ្លាម Kelly Brook ចាប់ផ្តើមភ័យខ្លួន ហើយក៏បានហៅអង្គរក្សមកចាប់បុរសនោះចេញ ។
គួររំលឹកដែរថា កាលពីមហោស្រពភាពយន្តឆ្នាំ១៩៩៣ តួឯកស្រីដែលរៀបការជាមួយ Demi បានយល់ព្រមដេកជាមួយមហាសេដ្ឋីម្នាក់ជាមួយនឹងតម្លៃខ្លួន១លាន ដុល្លារដែរ ៕
បញ្ចូលអត្ថបទ ៖ ស្រីណា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
