យោងទៅតាមប្រភពព័ត៌មាន ដេលី ឈីលីចេញផ្សាយកាលពីថ្ងៃសៅរ៍ទី១៩ ឧសភា ឆ្នាំ ២០១២ បានឱ្យដឹងថា លោកឈិន ឡុង ដែលជាតារាភាពយន្តជើងចាស់ដ៏ល្បីនៅទីក្រុងហុងកុង បានថ្លែងនៅក្នុងមហោស្រពភាពយន្តទីក្រុងកានប្រទេសបារាំងថា៖ខ្សែ ភាពដែលមានចំណងជើងថា «Chinese Zodiac » ប្រែជាភាសាខ្មែរថា ក្បួនតម្រាចិន គឺជារឿងចុងក្រោយរបស់ខ្ញុំ ពីព្រោះខ្ញុំចាប់ផ្តើមធុញថប់នឹងការសម្តែងរឿងក្បាច់គុនវាយតប ខ្លាំងណាស់ ។
តារាសម្តែងវ័យ៥៨ឆ្នាំ ដែលបានថតរឿងចំនួន១០០រួចមកហើយរូបនេះបានថ្លែងថា នៅពេលដែលខ្ញុំនិយាយពីការចូលនិវត្តន៍គ្រប់ៗគ្នាហាក់ដូចជាមិន ជឿងខ្ញុំទេ ហើយបាននាំគ្នានិយាយថា ខ្ញុំមិនគួរចូលនិវត្តន៍នោះទេ ពីព្រោះខ្ញុំមើលទៅគឺនៅក្មេង ។ ផ្ទុយទៅវិញ លោកឈិន ឡុងបាននិយាយថា ខ្ញុំលែងក្មេងតទៅទៀតហើយ ខ្ញុំពិតជាធុញទ្រាន់ ដូច្នេះខ្ញុំត្រូវតែឈប់ ជាពិសេសការថតរឿងប្រភេទវាយតប ហើយរឿងក្បួនតម្រាចិននេះប្រហែលជាខ្សែភាពយន្តចុងក្រោយរបស់ ខ្ញុំ។លោកឈិន ឡុង បានបន្តទៀតថាគ្រប់ៗគ្នាមើលមកខ្ញុំថា មានសុខភាពល្អ តាមពិតខ្ញុំមានការឈឺចាប់ក្នុងរាងកាយរបស់ខ្ញុំ ជាពិសេសត្រង់ស្មា និងកជើងហេតុផលទាំងនេះហើយដែលធ្វើឱ្យខ្ញុំមានគំនិតបោះបង់ចោល ការថតកុនប្រភេទប្រើកណ្តាប់ដៃ ។
គួររំលឹកដែរថា រឿងក្បួនតម្រាចិននេះ គឺនិពន្ធ និងដឹកនាំសម្តែង ព្រមទាំងដើរតួផ្ទាល់ដោយលោកឈិន ឡុង ដែលបានចំណាយអស់ទឹកប្រាក់១០លានដុល្លារសហរដ្ឋអាមេរិក ។នៅក្នុងរឿងនេះលោកឈិន ឡុង សម្តែងជាតួឯកអ្នកប្រមាញ់សំណាងល្អ(Fortune Hunter) ឬហៅថា ស្ទាំងអាស៊ី (Asian Hawk) ។ ខ្លឹមសារសំខាន់នៃរឿងន គឺសត្វស្ទាំងអាស៊ីប្រឹងប្រែងនាំត្រឡប់មកវិញនូវរូបសំណាកក្បាល សត្វធ្វើអំពីសំរឹទ្ធទាំង១២តំណាងឱ្យជោគជតារាសីទាំង១២ខែរបស់ ប្រពៃណីចិន ដែលត្រូវបានកងទ័ពបារាំង និងអង់គ្លេសលួចយកទៅកាលពីឆ្នាំ១៨៦០ ៕
បញ្ចូលអត្ថបទ ៖ ស្រីណា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
