ខេត្តក្រចេះ ៖ ជនពុំស្គាល់មុខអាចមានគ្នាមិនតិចជាង២នាក់ លួចគប់គ្រាប់បែក និងបាញ់រះជាង២០គ្រាប់ មកលើការដ្ឋានធ្វើផ្លូវថ្នល់មួយកន្លែង ស្ថិតក្នុងភូមិក្រសាំង ឃុំស្នួល ស្រុកស្នួល ខេត្តក្រចេះ បណ្តាលឱ្យផ្ទុះលាន់យ៉ាងកក្រើក និងបង្កឱ្យមានការភ្ញាក់ផ្អើលកាលពីវេលាម៉ោងជាង១០យប់ថ្ងៃទី ២០ ឧសភា ២០១២ ប៉ុន្តែសំណាងល្អមិនមានអ្នកស្លាប់នោះទេ ដោយគ្រាន់តែរងរបួសកម្មករ២នាក់ប៉ុណ្ណោះ ។
ជនរងគ្រោះត្រូវបានបញ្ជូនទៅសង្គ្រោះនៅ មន្ទីរពេទ្យស្នួល និងបានបញ្ជូនបន្តទៅមន្ទីរពេទ្យខេត្តកំពង់ចាមទាំងយប់ ។ រហូតមកដល់ព្រឹកថ្ងៃទី២១ ឧសភា មិនទាន់មានសេចក្តីរាយការណ៍ណាមួយអះអាងថា ជនសង្ស័យណាម្នាក់ត្រូវបានសមត្ថកិច្ចចាប់ខ្លួននោះទេ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
បញ្ចូលអត្ថបទ ៖ បុប្ផា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]